સ્ટેટ GSTના દરોડા:બોગસ ઇ-વે બિલથી રૂ. 9 કરોડની ટેકસ ચોરી પકડાઇ, ઊંઝાના સુપ્રીમ પટેલની ધરપકડ કરવામાં આવી

સ્ટેટ જીએસટી વિભાગને જીરાની કોમોડીટીમાં બોગસ પેઢીઓ ઊભી કરી આ બોગસ પેઢીઓના ઇ-વે બિલ જનરેટ કરી, ખરેખર ઇ-વે બિલમાં દર્શાવવામાં આવેલા વેપારીઓ સિવાયના અન્ય વેપારીઓ પાસેથી ખરીદી અન્ય વેપારીઓને મોકલી ભરવાપાત્ર જીએસટી ન ભરવાની મોડસ ઓપરેન્ડી ધ્યાનમાં આવી હતી.

જે સંદર્ભે ઉંઝા ખાતેની સન ટ્રાન્સપોર્ટ કોર્પોરેશનના માલીક સુપ્રિમ જીતેન્દ્રભાઇ પટેલના સ્થળે તપાસ કરતા કોઇ પણ હિસાબી સાહિત્ય મળ્યા ન હોતા. જ્યારે રહેઠાણના સ્થળોથી કેટલાક વાંધાજનક દસ્તાવેજો મળી આવ્યા હતા. આ ઉપરાંત સુપ્રિમ પટેલના મોબાઇલમાંથી કેટલાક હિસાબો મળી આવ્યા હતા. જેમાં કેટલીક પેઢીઓના જીએસટી નંબર, ટેલી એકાઉન્ટ મળી આવ્યા હતા.

જે અંગે આ પેઢીઓના સ્થળે તપાસ કરતા તે પેઢીઓ બોગસ હોવાનું બહાર આવ્યું હતું. સુપ્રીમ પટેલના દસ્તાવેજો તપાસતા તેઓએ રૂ. 144.35 કરોડના ઇ-વે બિલ જનરેટ કરવામાં આવ્યા હતા. જેમાં રૂ. 9.06 કરોડના ટેકસ ભર્યો નથી.