રૉક ક્લાઈમ્બિંગ:કિશોરીથી લઈને 60 વર્ષની વૃદ્ધ મહિલાએ એડવેન્ચર ટ્રીપમાં રૉક ક્લાઈમ્બિંગ કર્યું

લોકડાઉન બાદ જ્યારથી ન્યૂ નોર્મલની શરૂઆત થઈ છે ત્યારથી સોલો ટ્રાવેલિંગ તેમજ ગ્રૂપ ટ્રીપની સંખ્યામાં વધારો થયો છે. ત્યારે શહેરમાં કાર્યરત પોઝિટિવ 7 ગ્રૂપ દ્વારા લીવ ઈન એડવેન્ચર વિમેન ટ્રીપનું આયોજન કરાયું હતું.આ વિમેન ટ્રીપમાં અમદાવાદ, મુંબઈ, બરોડા સહિતના કુલ 27 ટ્રાવેલર જોડાયા હતા. જેમાંથી 16 વર્ષની કિશોરીથી લઈને 60 વર્ષનાં વૃદ્ધાંએ રૉક ક્લાઇમ્બિંગ, રૅપલિંગ જેવી વિવિધ એડવેન્ચર એક્ટિવિટીમાં ભાગ લીધો હતો.

આ ટ્રીપમાં લોકડાઉનમાં ઘરમાં રહીને કંટાળી જતી ટ્રાવેલરે આ ટ્રીપ રિલેક્સ ફીલ કરાવ્યું હતું. આ ટ્રીપ વિશે વાત કરતા ટ્રાવેલર્સનું કહેવું છે કે, ‘અમારી આ ટ્રીપમાં વિવિધ ક્ષેત્રમાં કાર્યરત મહિલાઓ જોડાઈ હતી. ફેમિલી અને ફ્રેન્ડ સાથે વીકેન્ડ સ્પોટ તરીકે માઉન્ટ આબુ ગયા હતા પણ ફક્ત વિમેન એડવેન્ચર ટ્રીપમાં પહેલો અનુભવ અદભુત રહ્યો હતો.’ આ ટ્રીપનું આયોજન પોઝિટિવ 7નાં ફાઉન્ડર મેઘના શાહ અને ટીમ દ્વારા કરવામાં આવ્યું હતું.

ફૂડથી લઈને અકોમોડેશનની સુવિધા ગ્રૂપ દ્વારા કરાઇ
અમે કુલ 27 ટ્રાવેલર લિવ ઇન એડવેન્ચર ટ્રીપ પર નીકળ્યા હતા. બધા એક બીજાથી અજાણ્યા હતા પણ રોડ ટ્રીપ દરમિયાન ફ્રેન્ડશિપ થઈ ગઈ હતી. જેમાં અમે આબુ પહોચ્યા બાદ અકોમોડેશન અને ફૂડનું એડજસ્ટમેન્ટ કર્યું હતું. -મેઘના શાહ, ટ્રાવેલર, પોઝિટિવ 7