મુદ્દતમાં વધારો:ધોરણ 12ની પરીક્ષા માટે 19મી ડિસેમ્બર સુધી ફોર્મ ભરી શકાશે, રાજ્યના 500થી વધુ કાયદાના વિધાર્થી આ પરીક્ષા આપી શકશે

કોરોનાને કારણે બાર કાઉન્સિલ ઓફ ઈન્ડિયાની દેશભરમાં યોજાનારી 15મી પરીક્ષાના ફોર્મ ભરવાની મુદત 19 ડિસેમ્બર સુધી લંબાવાઈ છે. રાજ્યના 500થી વધુ કાયદાના વિધાર્થી આ પરીક્ષા આપી શકશે.

બાર કાઉન્સિલના શિસ્ત સમિતિના ચેરમેન અનિલ કેલ્લા અને ભરત ભગતે જણાવ્યું કે, 15મી ઓલ ઈન્ડિયા બાર એક્ઝામ 24 જાન્યુઆરીએ યોજાવાની છે. જેનું ઓનલાઈન ફોર્મ ભરવાની મુદ્દત 3 ડિસેમ્બર હતી. પરંતુ કોરોના મહામારીના કારણે મોટાભાગની યુનિવર્સિટીએ પરીક્ષાના પરિણામ જાહેર કર્યાં નથી. આથી રાજ્યના 500 થી વધુ કાયદાના વિધાર્થી આ પરીક્ષા આપી શકે તેમ નહોતાં. આ અંગે બાર કાઉન્સિલ ઓફ ઈન્ડિયાના ચેરમેન મનન મિશ્રાને ઓનલાઈન ફોર્મ ભરવાની મુદ્દત વધારી આપવા માટે વિનંતી કરી હતી.