ચોર ટોળકી ઝડપાઈ:અમદાવાદમાં AMTS/BRTS અને એસ.ટી બસોમાં રોકડ અને દાગીનાની ચોરી કરતી ગેંગના પાંચ ઈસમો પકડાયા

અમદાવાદ શહેરમાં દોડતી જાહેર પરિવહનની એ.એમ.ટી.એસ./બી.આર.ટી.એસ. તથા એસ.ટી. બસોમાં મુસાફરી કરતા પેસેન્જરોની નજર ચુકવી રોકડ તથા દાગીનાની ચોરી કરતી ગેંગનો પર્દાફાશ કરાયો છે. અમદાવાદ શહેર ક્રાઈમ બ્રાન્ચે પાંચ ઈસમોની ધરપકડ કરીને ચોરીના 25 જેટલા ગુનાઓનો ભેદ ઉકેલી નાખ્યો છે.

આરોપીઓએ 25 ચોરીના ગુનાની કબૂલાત કરી
વિગતો મુજબ, ક્રાઈમ બ્રાન્ચના સ્ટાફને બાતમી મળી હતી કે સારંગ પુર સર્કલ સામે આવેલા એ.એમ.ટી.એસ બસ સ્ટેન્ડ પાસે ચોર ટોળકી છે. જેથી પોલીસે ત્યાંથી અમીર ઉર્ફે અકી ઉર્ફે બમ્બૈયા, ધમેશ, સરફુદ્દીન, મોહંમદ હુસૈન તથા મહેબુબ નામના પાંચ વ્યક્તિઓની ધરપકડ કરી હતી. આ આરોપીઓની પૂછપરછ તપાસ દરમિયાન તેમણે 25 જેટલા ચોરીના ગુનાઓ આચર્યા હોવાની કબૂલાત કરી હતી. જેમાં અંદાજે 6.40 લાખ રૂપિયા જેટલી રકમ ચોરી કરી હતી.

ચોર ટોળકી પાસેથી 65,000ની રોકડ મળી
અમદાવાદ શહેર ક્રાઈમ બ્રાન્ચને આરોપીઓ પાસેથી રૂ. 65,000 રોકડ, મોબાઈલ ફોન તથા આધાર કાર્ડ મળી આવ્યા હતા. જે બસમાં મુસાફરી કરનારા પેસેન્જરો પાસેથી ચોરી કર્યો હોવાનું જણાઈ આવ્યું હતું. પોલીસે મુદ્દામાલ કબજે લઈને સી.આર.પી.સી. કલમ 102 મુજબ તપાસ તથા સી.આર.પી.સી. કલમ 41(1)ડી મુજબ અટકાયત કરી કાયદેસરની કાર્યવાહી હાથ ધરી હતી.

આરોપીઓએ કબૂલ કરેલા ચોરીના ગુનાઓ નીચે મુજબ છે.