તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ગુજરાત બજેટ:ગુજરાતની જનતાએ મતપેટીઓ છલકાવી છતાં નાણામંત્રી નીતિન પટેલે બજેટમાં કંજૂસાઈ કરી, ના વેરામાં રાહત, ના કોઈ નવી યોજના

અમદાવાદએક મહિનો પહેલા
નાણામંત્રી નીતિન પટેલ આજે વિધાનસભામાં 2021-22નું બજેટ રજૂ કર્યું હતું.
  • બજેટમાં કરવેરામાં કોઈપણ વધારો ન કરવાનો નિર્ણય લેવાયો
  • સ્ટેચ્યૂ ઓફ યુનિટી માટે રૂ. 652 કરોડની જોગવાઈ
  • આરોગ્ય અને પરિવાર કલ્યાણ માટે રૂ.11 હજાર 323 કરોડની જોગવાઈ
  • મહિલા અને બાળક વિકાસ માટે રૂ. 3511 કરોડની જોગવાઈ

બજેટમાં રાજ્ય સરકાર દ્વારા સૌથી મોટી જાહેરાત કરવામાં આવી છે, જેમાં કરવેરામાં કોઈપણ વધારો ન કરવાનો નિર્ણય લેવાયો છે. કોરોનાકાળને કારણે લોકોની આર્થિક પ્રવૃત્તિઓ પર વિપરીત અસર પડી છે, જેને કારણે સરકારે બજેટ 2021-22માં કોઈપણ નવા વેરાનો વધારો કર્યો નથી.

ગુજરાતના નાયબ મુખ્યમંત્રી અને નાણામંત્રી નીતિન પટેલે નવમી વખત 2021-22ના નાણાકીય વર્ષનું બજેટ રજૂ કર્યું હતું. ગુજરાત રાજ્યની સ્થાપના પછી પ્રથમ વખત 2.27 લાખ કરોડ રૂપિયાનું બજેટ રજૂ કરાયું છે. આ પ્રસંગે નીતિન પટેલે જણાવ્યું હતું કે આ વખતે 2.27 લાખ કરોડનું બજેટ પાછલા બજેટ કરતાં 10,000 કરોડથી વધુ છે.

વિધાનસભા બજેટ 2021-22 LIVE અપડેટ

* પંચાયત, ગ્રામ ગૃહ નિર્માણ અને ગ્રામ વિકાસ માટે કુલ રૂ. 8796 કરોડની જોગવાઈ

* ધોરણ 9-10માં અભ્યાસ કરતા 6 લાખ 63 હજાર વિદ્યાર્થીઓને શિષ્યવૃત્તિ આપવા રૂ.549 કરોડની જોગવાઈ

* 10 લાખ 95 હજાર નિરાધાર વૃદ્ધોને પેન્શન આપવા માટે રૂ. 1032 કરોડની જોગવાઈ

* રાજ્ય સરકાર ઓનલાઈન સેવા, ડેટા રિકવરી સેન્ટર સ્થાપવા 65 કરોડ ફાળવશે

* રાજ્યની વિવિધ યુનિવર્સિટી ખાતે પીએચડી ડીગ્રી માટે સંશોધન કરતા વિદ્યાર્થીઓ માટે રૂ. 20 કરોડની જોગવાઈ

* નાણામંત્રી નીતિન પટેલે રૂ.2,27,029 કરોડનું બજેટ રજૂ કર્યું

* તમામ ગ્રામપંચાયતોના વોટરવર્ક્સ માટે વિનામૂલ્યે વીજળી, રૂ.734 કરોડની જોગવાઈ

* ઇ-રિક્ષાદીઠ 40 હજારની સબસિડી અપાશે

* સૌરાષ્ટ્રમાં રૂ.675 કરોડના ખર્ચે પીવાના પાણી માટે 143 કિમીની બલ્કલાઈન પાઈપલાઈન નખાશે

* રાજકોટમાં પીપીપી ધોરણે નવું બસ સ્ટેશન અને અન્ય સ્થળો 6 નવાં બસ સ્ટેન્ડ બનશે, રૂ.100 કરોડની જોગવાઈ

* અમદાવાદની સિવિલ હોસ્પિટલનું અપગ્રેડેશન કરાશે, રૂ.87 કરોડની જોગવાઈ

* ગુજરાતની ઐતિહાસિક સ્કૂલોને હેરિટેજ સ્કૂલ તરીકે જાહેર કરાશે

* આગામી 5 વર્ષમાં સરકારી કચેરી બોર્ડ કોર્પોરેશનમાં 2 લાખ યુવાનોની ભરતી થશે

* નવલખી બંદર ખાતે 192 કરોડના ખર્ચ નવી જેટ્ટી બનાવાશે

* નારગોલ અને ભાવનગર બંદર રૂ.4800 કરોડના ખર્ચે વિકસાવાશે

* સિરામિક હબ: મોરબી, હળવદ, જેતપુર, મોરબી અણિયાળી અને ઘાટીલા 70 કિમીનો રસ્તો 4 માર્ગી કરાશે

* રાજ્યમાં સોલર રૂપટોપ માટે રૂ.800 કરોડની જોગવાઈ, 3 લાખ ઘરોને સહાય અપાશે

* રાજ્યમાં બે મેગા ટેક્સટાઈલ પાર્કનું આયોજન

* જંબુસરમાં બ્લક ટ્રક ઈન્ડસ્ટ્રિયલ પાર્કનું આયોજન

* રાજકોટમાં મેડિકલ ડિવાઈસ ઈન્ડસ્ટ્રિયલ પાર્ક સ્થપાશે

* કેવડિયાની આસપાસના 50 કિ.મીમાં કમલમ્ ફ્રૂટના બે લાખના વાવેતર માટે 15 કરોડની જોગવાઈ

* અમદાવાદ-ગાંધીનગર-સુરત મેટ્રો માટે રૂ.568 કરોડની જોગવાઈ

* ટેક્સટાઈલ પોલિસી હેઠળ ઉદ્યોગોને રૂ.1500 કરોડની સહાયની જોગવાઈ

* 2021-22નું 587 કરોડનું પુરાંતવાળું બજેટ

* ગિફ્ટ સિટીમાં મૂડીરોકાણ માટે 100 કરોડની જોગવાઈ

* ગૃહ વિભાગ માટે રૂ.7960 કરોડની જોગવાઈ

* વેલ શાર્ક ટૂરિઝમ સાથે સ્થાનિક રોજગારની નવી યોજના

* અમદાવાદ-સોમનાથ, અંબાજી, દ્વારકા, સાપુતારા અને ગીર ખાતે હેલિપોર્ટ વિકસાવાશે

* કોરોનાને કારણે સરકારની આવક 40 ટકા ઘટી

* ઉદ્યોગ અને ખાણ વિભાગમાં રૂ.6599 કરોડની જોગવાઈ

* ઊર્જા અને પેટ્રોકેમિકલ માટે રૂ.13,034 કરોડની જોગવાઈ

* માર્ગ અને મકાન વિભાગ માટે રૂ. 11185 કરોડની જોગવાઈ

* ખરાબાની જમીન ખેડૂતોને ભાડાપેટે અપાશે

* અમદાવાદ-મુંબઈ બુલેટ ટ્રેન માટે રૂ. 1500 કરોડની ફાળવણી

* ડાંગને કેમિકલ ફ્રી ઉત્પાદન કરતો જિલ્લો બનાવવાનો ઉદ્દેશ, પ્રાકૃતિક ખેતી માટે ખેડૂતોને રૂ.10 હજાર કરોડની સહાય

* સ્ટેચ્યૂ ઓફ યુનિટી માટે રૂ. 652 કરોડની જોગવાઈ

* આરોગ્ય અને પરિવાર કલ્યાણ માટે રૂ.11 હજાર 323 કરોડની જોગવાઈ

* આદિજાતિ વિકાસ માટે રૂ.1349 કરોડની જોગવાઈ

* મહિલા અને બાળક વિકાસ માટે રૂ. 3511 કરોડનું જોગવાઈ

* ગુજરાત કોરોનાની મહાબીમારીથી બહાર આવી રહ્યું છે

* શિક્ષણ માટે 32 હજાર કરોડની જોગવાઈ

આ વખતનું બજેટ ગુજરાતની વિકાસયાત્રાને ધ્યાનમાં રાખીને રજૂ કરાયું છે. ગુજરાતમાં પ્રજાનો સવાંગી વિકાસ થાય, તેમના વિસ્તારોનો પણ વિકાસ થાય એનું ધ્યાન રાખવામાં આવ્યું છે. સૌનો સાથ સૌનો વિકાસનું સૂત્ર હકીકતમાં ચરિતાર્થ થાય એ પ્રમાણેનું બજેટ બહાર પાડવામાં આવ્યું છે.

ગત વર્ષે 2.17 લાખ કરોડનું બજેટ રજૂ થયું હતું
મને વિશ્વાસ છે કે આ બજેટમાં જે રકમ હું જાહેર કરીશ એ રકમથી ગુજરાતના દરેક ક્ષેત્રના વિકાસ માટે પ્રજાને ખૂબ મોટો લાભ થશે. ગઈકાલે નગરપાલિકા, જિલ્લા અને તાલુકા પંચાયતની ચૂંટણીમાં જનતાએ અમારા પક્ષને જબરદસ્ત સમર્થન આપ્યું છે, ત્યારે હવે અમારી જવાબદારી છે કે પ્રજા માટે વધુ સારી રીતે કામ કરી વધુમાં વધુ લાભ મળે એનું ધ્યાન રાખીશું. નોંધનીય છે કે ગત વર્ષે 2.17 લાખ કરોડનું બજેટ રજૂ થયું હતું. જીએસટીના વળતર માટે પણ રાજ્ય સરકારને લોન લેવી છે, એવા સંજોગોમાં જાહેર દેવામાં વધારો થશે.

પેપરલેસ બજેટથી રાજ્ય સરકારને 44 લાખ કાગળ અને 80 લાખ રૂપિયાની બચત થશે.
પેપરલેસ બજેટથી રાજ્ય સરકારને 44 લાખ કાગળ અને 80 લાખ રૂપિયાની બચત થશે.

પેપરલેસ બજેટ રજૂ થયું
કેન્દ્ર સરકારની જેમ ગુજરાત સરકારે પણ આ વખતે પેપરલેસ બજેટ રજૂ કર્યું છે. જોકે ગુજરાત સરકારે એક સ્ટેપ આગળ વધીને ગુજરાત બજેટ મોબાઇલ એપ્લિકેશન તૈયાર કરી છે, જેમાં બજેટના તમામ ડોક્યુમેન્ટ્સ અપલોડ કરાશે અને લોકો એની માહિતી પોતાના મોબાઇલમાં જ મેળવી શકશે. પેપરલેસ બજેટથી રાજ્ય સરકારને 44 લાખ કાગળ અને 80 લાખ રૂપિયાની બચત થશે.

પ્રથમ તબક્કે બજેટ પ્રવચન મોબાઇલ એપ્લિકેશન મારફત લાઇવ કરવાનો નિર્ણય લેવાયો.
પ્રથમ તબક્કે બજેટ પ્રવચન મોબાઇલ એપ્લિકેશન મારફત લાઇવ કરવાનો નિર્ણય લેવાયો.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમયે રોકાણ જેવા કોઇ આર્થિક ગતિવિધિમાં વ્યસ્તતા રહેશે. લાંબા સમયથી ચાલી રહેલી કોઇ ચિંતાથી પણ રાહત મળશે. ઘરના વડીલોનું માર્ગદર્શન તમારા માટે ખૂબ જ ફાયદાકારક તથા સુકૂન આપનાર રહેશે. નેગેટિવ...

વધુ વાંચો