ક્રાઇમ:ફ્લેટમાં ઓફિસ શરૂ કરનારા વેપારી-રહીશો વચ્ચે મારામારી

જીવરાજ પાર્ક કેમ્બે હોટેલ સામે આવેલા બિનોરી કોર્નર નામના ફ્લેટમાં ઓફિસ શરૂ કરનાર વેપારી અને સ્થાનિક રહીશો વચ્ચે ઝઘડો થતા બંને પક્ષ વચ્ચે મારી મારી થઇ હતી. જેમાં સામ સામે જાનથી મારી નાખવાની ધમકી આપવામાં આવી હતી. આ અંગે વાસણા પોલીસે બંને પક્ષની સામ સામી ફરિયાદ નોંધી છે.   બિનોરી કોર્નરમાં રહેતા દડુભાઇ  દરબારે જિનેશ શાહ સામે નોંધાવેલી ફરિયાદ મુજબ ફ્લેટની ઉપર રહેણાંક વિસ્તારમાં જિનેશ શાહે પોતાની ઓફિસમાં 2થી વધુ લોકો ભેગા કર્યા હતા. જે બાબતે દડુભાઇ અને તેમના ભાણેજ ભાલુભાઇ કહેવા જતા જયેશભાઇએ દડુભાઇનો કોલર પકડી ફેંટો મારી હતી. જેથી ભાલુભાઇએ વચ્ચે પડીને તેમને છોડાવ્યા હતા. તો આ તરફ સામે પક્ષે જિનેશ શાહે દડુભાઇ વિરુદ્ધ પણ ફરિયાદ નોંધાવી છે. 6 મે એ જિનેશભાઇ અને તેમના સ્ટાફના માણસો ઓફિસે આવ્યા ત્યારે દડુભાઇએ તેમને કહ્યું હતું કે જો તમારે ઓફિસ ખોલવી હોય તો બે કરતાં વધારે માણસ ઓફિસમાં રખાશે નહીં. તેમ કહીને ગાળા ગાળી કરવા લાગ્યા હતા.