ખાતર એલોટમેન્ટમાં કૌભાંડ:કૃષિ ભવનમાં ખાતર ફાળવણી અંગેની ફાઈલો ખોવાઈ ગઈ!

ગાંધીનગરમાં સેક્ટર-10 સ્થિત કૃષિ ભવન દ્વારા રાસાયણિક ખાતરના એલોટમેન્ટમાં કૌભાંડ કરવામાં આવ્યું હોવાના દાવા સાથે પોલીસ સ્ટેશનમાં અરજી થઈ છે.

અમદાવાદના હિતેશ પટેલ દ્વારા જૂન-2020માં કૃષિભવન ખાતેથી સરકાર દ્વારા રાસાયણિક ખાતરના એલોટમેન્ટની માહિતી માંગી હતી. જેમાં જવાબમાં કૃષિ ભવન દ્વારા રાસાયણિક ખાતરની ફાળવણી માંગનાર સંસ્થા અ વર્ગનો ઓડિટ રિપોર્ટ ધરાવતી હોવી જોઈએ તેવી માહિતી આપી હતી. જે બાદ અરજદારે અમદાવાદની ઈન્ડિયન ફાર્મર્સ એન્ડ ફર્ટિલાઈઝર્સ એસોસિએશન, પોરબંદરની રામેશ્વર ફાઉન્ડેશન ટ્રસ્ટ અને સુરેન્દ્રનગર સ્થિત ઝાલાવાડ ફર્ટિલાઈઝર્સ ડીલર્સ એસોસિએશનના અ વર્ગના ઓડિટની નકલો માંગી હતી. જેના જવાબમાં 16 કંપનીઓને એલોટમેન્ટ કરેલ હોવાનું તથા જે ત્રણ કંપનીની વિગતો માંગલવામાં આવી છે તેની ફાઈલો ખોવાઈ ગયેલ હોવાની માહિતી આપી હતી.