મિલકત જાહેર કરી:ભાજપના શાસનમાં કોંગ્રેસના ધારાસભ્યનો પણ ‘વિકાસ’, ખેડાવાલાની સંપત્તિમાં 1 કરોડનો વધારો

અમદાવાદ3 મહિનો પહેલા
  • કૉપી લિંક
  • મુખ્યમંત્રી ભૂપેન્દ્ર પટેલ પાસે 7.21 કરોડ, વટવાના કોંગી ઉમેદવાર પાસે 28 કરોડની સંપત્તિ
  • 5 ડિસેમ્બરે યોજાનારા બીજા તબક્કાના મતદાન માટે ઉમેદવારી ફોર્મ ભરવાનો ગુરુવારે છેલ્લો દિવસ છે.
  • જ્યારે 19 નવેમ્બર સુધી ફોર્મ પાછા ખેંચી શકાશે.

અમદાવાદમાં ભાજપ, કોંગ્રેસ, આપ અને અપક્ષ 124 ઉમેદવારોના 161 ફોર્મ ભરાયા હતા. ઘાટલોડિયાના ભાજપના ઉમેદવાર અને મુખ્યમંત્રી ભૂપેન્દ્ર પટેલે પણ ફોર્મ ભર્યું હતું. તેમના રજૂ કરેલા સોગંદનામામાં 5.21 કરોડની મિલકત જાહેર કરી હતી. તેમની પત્નીના નામે 2.50 કરોડની મિલકત છે. 2017માં તેમની પાસે 4.10 કરોડની મિલકત હતી. બીજી તરફ જમાલપુર-ખાડિયા બેઠકના કોંગ્રેસના ઉમેદવાર ઈમરાન ખેડાવાલાએ પણ ફોર્મ ભર્યું હતું. તેમની એફિડેવિટ મુજબ 1.44 કરોડની મિલકત જ્યારે 7.50 લાખના દાગીના છે.

5 વર્ષ પહેલાં એટલે કે 2017માં તેઓ પહેલીવાર ધારાસભ્ય તરીકે ચૂંટણીમાં ઊભા રહ્યા હતા તે સમયે તેમની પાસે માત્ર 43 લાખની મિલકત અને 3 લાખના દાગીના હતા. જેમાં 5 વર્ષમાં મિલકતમાં 1 કરોડનો વધારો થયો છે. વટવાના કોંગ્રેસના ઉમેદવાર બળવંતસિંહ ગઢવીએ પણ તેમની પાસે 24.91 કરોડની મિલકત અને 4 લાખીના ઝવેરાત હોવાનું એફિડેવિટમાં જાહેર કર્યું છે.

આ જ બેઠકના ભાજપના ઉમેદવાર બાબુસિંહ જાદવે 85 લાખની મિલકત જાહેર કરી હતી.અમદાવાદમાં મોટાભાગે ભાજપ-કોંગ્રેસના તમામ ઉમેદવારોએ ફોર્મ ભરી દીધા છે. ગુરુવારે ઉમેદવારી પત્ર ભરવાનો છેલ્લો દિવસ છે. મોટાભાગના તમામ ઉમેદવારો કરોડપતિ છે. ભાજપના દસ્ક્રોઈના ઉમેદવાર બાબુ જમના પાસે સૌથી વધુ 61.47 કરોડની સંપત્તિ છે. જ્યારે નિકોલના ઉમેદવાર જગદીશ પંચાલ પાસે પણ 29 કરોડની સંપત્તિ છે.અમદાવાદના એકાદ-બે ઉમેદવારને બાદ કરતાં કોઈપણ ઉમેદવાર સામે ગંભીર પ્રકારના ગુના નોંધાયેલા નથી.

આજે ઉમેદવારી ફોર્મ ભરવાનો છેલ્લો દિવસ

બેઠકપક્ષઉમેદવારનું નામમિલકતઝવેરાત
ઘાટલોડિયાભાજપભૂપેન્દ્ર પટેલ5.21 કરોડ24.75 લાખ
પત્ની હેતલ પટેલ2.50 કરોડ49.70 લાખ
જમાલપુર-ખાડિયાકોંગ્રેસઇમરાન ખેડાવાલા1.44 કરોડ7.50 લાખ
વેજલપુરઆપકલ્પેશ પટેલ4.37 કરોડ5.70 લાખ
સાબરમતીકોંગ્રેસદિનેશ મહિડા57.45 લાખ10 લાખ
વટવાભાજપબાબુસિંહ જાદવ85.30 લાખ7.86 લાખ
પત્ની ગંગા જાદવ33.97 લાખ18.50 લાખ
વટવાકોંગ્રેસબળવંતસિંહ ગઢવી24.51 કરોડ4 લાખ

પત્ની પ્રવીણા ગઢવી

4.09 કરોડ7.50 લાખ
ધોળકાભાજપકિરીટસિંહ ડાભી4.15 કરોડ7.59 લાખ
પત્ની હંસા ડાભી2.73 કરોડ13.39 લાખ
અન્ય સમાચારો પણ છે...