ગુજરાત યુનિવસર્ટી:B.Scના ચોથા રાઉન્ડ પછી પણ 9999 સીટો ખાલી રહી, M.Scના એક રાઉન્ડ બાદ 338 સીટ ખાલી

ગુજરાત યુનિવસર્ટી સંલગ્ન બીએસસી અને એમએસસીમાં ચાર રાઉન્ડ બાદ પ્રવેશ સમિતિએ પ્રવેશ મેળવેલા વિદ્યાર્થીઓની માહિતી જાહેર કરી છે. ચાર રાઉન્ડ બાદ બીએસસીમાં 9999 અને એમએસસીના પહેલા રાઉન્ડ બાદ વિવિધ કેટેગેરીમાં 338 સીટ ખાલી રહી છે. પ્રવેશ સમિતિ દ્વારા બીએસસીની કુલ 14975, એમએસસીની 2274 સીટો પર ભરતી પ્રક્રિયા હાથ ધરી હતી.

કોરોનાને કારણે આ વર્ષે પ્રવેશ પ્રક્રિયા મોડી શરૂ કરાઇ હતી. પરિણામે એક સત્ર પૂરું થઇ જવા છતાં પણ પ્રવેશ પ્રક્રિયા પૂરી થઇ શકી નથી. આ વર્ષે યોજાયેલી બીએસસીની પ્રવેશ પ્રક્રિયામાં 11 હજાર જેટલા વિદ્યાર્થીઓએ રજીસ્ટ્રેશન કરાવ્યું હતું. જેમાંથી 4976 વિદ્યાર્થીએ એડમિશન મેળવ્યું હતું. એમએસસીની પ્રવેશ પ્રક્રિયા માટે 2274 સીટો પર પ્રવેશ કાર્યવાહી કરાઇ હતી, જેમાંની 1936 સીટો પર એલોટમેન્ટ કરાયું હતું. 4990 વિદ્યાર્થીને પ્રવેશ ફાળવાયો નથી. પહેલા રાઉન્ડ બાદ 338 સીટો ખાલી રહી છે.