રિક્ષા સ્ટંટ:ઓઢવમાં પામ હોટલ પાસે રિંગ રોડ પર ચાલકે રિક્ષાના સ્ટંટ કર્યા, સ્ટંટનો વિડિયો વાઈરલ

જાહેર રોડ પર બેફામ સ્પીડે બાઈક ઉપર ધૂમ સ્ટાઈલમાં યુવાનો સ્ટંટ કરે છે પરંતુ સોશિયલ મીડિયામાં એક રિક્ષાચાલક રિક્ષા દ્વારા સ્ટંટનો વિડિયો વાઇરલ થયો છે. આ વિડિયોમાં જ્યાં સ્ટંટ કરવામાં આવી રહ્યો છે તે અમદાવાદના ઓઢવ રિંગ રોડનો હોવાનું જાણવા મળ્યું છે.

ભયજનક વાહન ચલાવવા હેઠળ ગુનો નોંધાશે
ઓઢવ પીઆઇ આર જી જાડેજાએ DivyaBhaskar સાથેની વાતચીતમાં જણાવ્યું હતું કે, ઓઢવ પામ હોટલ પાસેનું હોવાનું જણાય છે. રિક્ષા નંબર અમને મળી ગયો છે જેના આધારે તપાસ કરી છે અને ભયજનક રીતે વાહન ચલાવવા વગેરે કલમ હેઠળ ગુનો નોંધવામાં આવશે.

ઓઢવ પોલીસે ગુનો નોંધવાની કાર્યવાહી હાથ ધરી
સોશિયલ મિડિયામાં વાઇરલ થયેલા એક વિડિયોમાં રાત્રે એક રિક્ષા ચાલકે રિક્ષાને એક તરફથી ઉંચી કરી બે ટાયર પર સ્ટંટ કરે છે. આવા સ્ટંટના બે રાઉન્ડ લગાવે છે. રિંગ રોડ ઉપર સ્ટંટ કરતા જોઈ લોકોના ટોળા એકઠાં થયા હતા. ટોળામાં હજાર લોકોએ આ સ્ટંટનો વિડિયો બનાવ્યો હતો. અને ત્યારબાદ સોશિયલ મિડિયા ઉપર વાઈરલ કર્યો હતો. વિડિયોમાં સ્ટંટના બે રાઉન્ડ લગાડે છે. પરંતુ બે કરતા વધારે રાઉન્ટ સ્ટંટ કર્યો હોવાનું પણ માનવામાં આવી રહ્યું છે. આ વિડિયો અમદાવાદ શહેરના પૂર્વ વિસ્તારમાં આવેલા ઓઢવમાં આવેલી પામ હોટલ પાસેનો હોવાનું જાણવા મળ્યું છે. ઓઢવ પોલીસે આ મામલે ગુનો નોંધવાની કાર્યવાહી કરવામાં આવશે.