તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

AMCની કામગીરી:બાપુનગરમાં 25 કરોડના ખર્ચે એસટીપી, નિકોલ, સૈજપુર, નરોડામાં ડ્રેનેજ બેકિંગની સમસ્યા નહીં રહે

અમદાવાદ6 દિવસ પહેલા
  • કૉપી લિંક
  • ચોમાસું હોય કે ઉનાળો પૂર્વમાં ડ્રેનેજ બેકિંગની સમસ્યાનો હવે ઉકેલ આવશે, ટ્રીટ કરેલું પાણી સિંચાઈ માટે અપાશે

હવે બાપુનગર, નિકોલ, નરોડ, વસ્ત્રાલ, સૈજપુર વોર્ડમાં ડ્રેનેજ બેકિંગની સમસ્યા નહીં રહે. કેમ કે, બાપુનગરમાં લાલબહાદુર શાસ્ત્રી સ્ટેડિયમ ખાતે અ.મ્યુ.કો દ્વારા 30 એમએલડીનો નવો સિકવન્શિઅલ બેડ રિએક્ટર પ્રકારનો સૂએઝ ટ્રીટમેન્ટ પ્લાન્ટ સ્થપાશે. હાલ બાપુનગર, નરોડા, નિકોલ સહિતના વિસ્તારોની ડ્રેનેજની લાઈનો ગુરુજી બ્રિજ થઈ પિરાણા સુએઝ ટ્રીટમેન્ટ પ્લાન્ટમાં જાય છે. આમ આ પાણી 17 કિમી. ટ્રાવેલ કરે છે. જ્યાં એક પણ એસટીપી ન હોવાથી ડ્રેનેજ બેકિંગની સમસ્યા રહે છે.

કોર્પોરેશનના સૂત્રો પાસેથી મળેલી માહિતી પ્રમાણે હવે બાપુનગરમાં સુએઝ ટ્રીટમેન્ટ પ્લાન્ટ સ્થપાવાની કામગીરીને લઈને એક વર્ષમાં આ પ્લાન્ટ કાર્યરત થઈ જશે પછી 2 લાખની વસ્તીને ડ્રેનેજ બેકિંગની સમસ્યા નહીં નડે. માત્ર ચોમાસામાં જ નહીં ભરઉનાળે પણ પૂર્વના કેટલાક વિસ્તારોમાં ડ્રેનેજ બેકિંગની સમસ્યા છે ત્યારે તેનો કાયમી ધોરણે ઉકેલ આવશે.

શું છે સમગ્ર પ્લાન?
બાપુનગરમાં 25 કરોડના ખર્ચે સ્થપાશે સુએઝ ટ્રીટમેન્ટ પ્લાન્ટ
હાલ પૂર્વના વિસ્તારોમાંથી ડ્રેનેજ લાઈન દ્વારા 17 કિમી. અંતર કાપી પિરાણા પ્લાન્ટમાં જાય છે.
2.50 લાખની વસ્તીને કવર કરશે.
બાપુનગર, સરસપુર, નરોડા, નિકોલ, સૈજપુર, રખિયાલ, વસ્ત્રાલમાં રહેતા લોકોને થતી બેકિંગની સમસ્યા કાયમી ધોરણે ખતમ થઈ જશે.
આ વિસ્તારોમાં વરસાદી પાણીનો પણ ઝડપથી નિકાલ થશે.

વિના વરસાદે પાણી બેક મારવાની સમસ્યાનું નિરાકરણ અાવશે
નરોડા, વસ્ત્રાલ અને બાપુનગરમાં વિના વરસાદે ગટરના પાણી બેક મારતાં હોય છે. ચોમાસામાં તો વળી હાલત તદ્દન ખરાબ હોય છે. ગટરમાંથી 24 કલાક પાણી બેક માર્યા કરતા હોય છે. હવે અા પ્લાન્ટ પર કામ થતાં અાવી સ્થિતિ ઉત્પન્ન નહીં થાય તેવી અાપણે અાશા રાખી શકીએ. સામાન્ય રીતે શહેરના પશ્ચિમ વિસ્તારમાં ડ્રેનેજ લાઈનમાં બેકિંગની સમસ્યા નડતી હોય છે પણ ત્યાં તંત્ર ઝડપથી કામ કરે છે જ્યારે નરોડા,નિકોલ અને વસ્ત્રાલ સહિતના વિસ્તરોમાં મંથરગતિએ કામ થાય છે.હવે આ કામ ઝડપથી થાય તે જરૂરી છે.-વિરેન્દ્ર ગવાડે, નરોડા

ચોમાસું નજીક છે ત્યારે આ કામ ઝડપથી પૂરું કરવામાં આવે તે જરૂરી
શહેરમાં ગંદા પાણીના નિકાલની યોગ્ય વ્યવસ્થા નથી. તેમાં પણ પૂર્વ વિસ્તારમાં તો હાલત વધુ ખરાબ છે. બાપુનગરમાં એફટીપી પ્લાન્ટ નાખવામાં આવી રહ્યો છે ત્યારે હવે અા સમસ્યા નહીં સર્જાય. કેમ કે પાણી સીધું જ તેમાં જશે અને ટ્રીટ થઈને સિંચાઈ મારફતે અપાશે. હવે ચોમાસું નજીક અાવી રહ્યું છે ત્યારે અા પ્રકારના કાર્યો ઝડપથી પૂરા થાય તે વધુ જરૂરી છે. બાપુનગરમાં સુએઝ ટ્રીટમેન્ટ પ્લાન્ટ તૈયાર થાય છે ત્યારે આ સમયમાં લોકો પોતાના ઘરનો કચરો પણ આવી લાઈનમાં ન જવા દે તે જરૂરી છે. નહીંતર આવા પ્લાન્ટ પણ સફળ નહીં જાય.-નેલ્સન ક્રિશ્ચ્યન, નરોડા

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ અનુકૂળ રહેશે. વાતચીત કરીને તમે તમારા કામ કઢાવી શકશો. તમારી કોઇ નબળાઈ ઉપર પણ તમે કામ કઢાવી શકવામાં સક્ષમ રહેશો. મિત્રોનો સાથ અને સહયોગ તમારી હિંમત અને તાકાતને વધારશે. ને...

    વધુ વાંચો