વળતરની માગ:પિરાણા આગના મૃતકોના પરિવારને 15 લાખ, ઇજાગ્રસ્તોને 5 લાખ ચૂકવવા NGT સમક્ષ માગ

પિરાણા પીપળજ રોડ પર સાહિલ એન્ટરપ્રાઇઝમાં કેમિકલ બ્લાસ્ટ મામલે સોમવારે નેશનલ ગ્રીન ટ્રિબ્યુનલ તરફથી શાહીબાગ સર્કિટ હાઉસ ખાતે લોકસુનાવણી યોજાઈ હતી. જેમાં ટ્રિબ્યુનલ સમક્ષ ઘટનામાં મૃત્યુ પામેલા લોકોના પરિવારને 15 લાખ તથા ઇજાગ્રસ્તોને 5 લાખ આપવાની માગણી કરાઈ હતી.

જેના પગલે ટ્રિબ્યુનલે હાઈકોર્ટના નિવૃત્ત જસ્ટિસની અધ્યક્ષતામાં કમિટીની રચના કરી. આ કમિટી વળતરની માગની સમીક્ષા કરી એનજીટીને સૂચન કરશે. ત્યાર બાદ વળતર અંગે એનજીટી આદેશ કરશે.