નિયંત્રણો યથાવત:રાજ્યના આઠ મહાનગરોમાં 31 ડિસેમ્બર સુધી રાત્રિ કર્ફ્યૂ યથાવત રખાયો, હોટલ-રેસ્ટોરન્ટ રાતના12 વાગ્યા સુધી ખુલ્લા રાખી શકાશે

અમદાવાદ5 મહિનો પહેલા
  • કૉપી લિંક
  • નવી ગાઈડલાઈન 10 ડિસેમ્બરથી 31 ડિસેમ્બર સુધી અમલમાં રહેશે
  • લગ્નમાં ખુલ્લા અથવા બંધ સ્થળે 400 લોકોને છૂટ અપાઈ

રાજ્યમાં હાલ કોરોનાની બીજી લહેરનો અંત આવી ગયો હોવાથી સરકાર દ્વારા એક બાદ એક નિયંત્રણ અંગે નિર્ણયો લેવામાં આવી રહ્યા છે. દિવાળી બાદ કોરોનાના કેસમાં ખાસ વધારો ન થતા સરકારે નિયંત્રણો વધુ હળવા કર્યા છે.જોકે કોરોનાના નવા વેરિએન્ટ ઓમિક્રોનનો ભય વર્તાઈ રહ્યો છે. અમદાવાદ, વડોદરા, સુરત, રાજકોટ, ભાવનગર, જામનગર, જૂનાગઢ અને ગાંધીનગરમાં હવે રાત્રે 1 વાગ્યાથી સવારે 5 વાગ્યા સુધી કર્ફ્યૂ યથાવત રહેશે. જ્યારે રેસ્ટોરાંને રાત્રે 12 વાગ્યા સુધી ખુલ્લી રાખવાની મંજૂરી આપવામાં આવી છે. આ નવી ગાઈડલાઈન 10 ડિસેમ્બરથી 31 ડિસેમ્બર સુધી અમલમાં રહેશે.

8 મહાનગરમાં રાત્રિ કર્ફ્યૂમાં રાહત
આઠ નગરોમાં રાત્રિ કર્ફ્યૂની મુદત આજે શુક્રવારે 10 ડિસેમ્બરના રોજ પૂર્ણ થાય છે. 10 ડિસેમ્બર 31 ડિસેમ્બર 2021 સુધી ગુજરાતમાં છૂટછાટો યથાવત રખાઈ છે. આ રાજ્યનાં જે 8 મહાનગર અમદાવાદ, વડોદરા, રાજકોટ, સુરત, ભાવનગર, જૂનાગઢ, જામનગર અને ગાંધીનગરમાં હાલ રાત્રિ કર્ફ્યૂ અમલમાં છે ત્યાં આવતીકાલથી રાત્રિના 1 વાગ્યાથી 31 ડિસેમ્બર સુધી સવારે 5 વાગ્યા સુધી દરરોજ રાત્રિ કર્ફ્યૂ અમલમાં રહેશે.

સરકારનું જાહેરનામું

  • 8 મનપામાં રાત્રિ કર્ફ્યુ રહેશે યથાવત
  • રાત્રીના 1 વાગ્યાથી સવારે 5 વાગ્યા સુધી કર્ફ્યું
  • 8 મહાનગરોમાં 12 વાગ્યા સુધી રેસ્ટોરન્ટ ખુલ્લી રહેશે
  • લગ્નમાં ખુલ્લા અથવા બંધ સ્થળે 400 લોકોને છૂટ
  • લગ્ન માટે ડિજીટલ ગુ.પોર્ટલ પર નોંધણીની જોગવાઇ યથાવત
  • કર્ફ્યુ બાબતે રા.સરકારે નોટિફેકશન જાહેર કર્યું
સરકારના ગૃહ વિભાગ સાથે પરામર્શ કર્યા બાદ આખરી નિર્ણય લેવાયો ( ફાઈલ ફોટો).
સરકારના ગૃહ વિભાગ સાથે પરામર્શ કર્યા બાદ આખરી નિર્ણય લેવાયો ( ફાઈલ ફોટો).

લગ્નપ્રસંગમાં 400 લોકોની છૂટ, અંતિમક્રિયામાં 100 વ્યક્તિની મર્યાદા
અગાઉ નવરાત્રી પહેલા લગ્ન પ્રસંગોમાં 400 વ્યક્તિની છૂટછાટ આપવામાં આવી હતી, જે યથાવત રાખવામાં આવી છે. આવી ઉજવણીઓમાં ભાગ લેનારી દરેક વ્યક્તિએ કોરોના વેક્સિનના બે ડોઝ લીધા હોય એ હિતાવહ રહેશે. આવાં આયોજનોમાં લાઉડસ્પીકર/ધ્વની નિયંત્રણ અંગેના સુપ્રીમ કોર્ટના આદેશોનું પાલન કરવાનું રહેશે. અંતિમક્રિયા-દફનવિધિમાં 100 વ્યક્તિની મર્યાદા યથાવત રહેશે.

હાલ રાત્રિના 1 વાગ્યાથી સવારે 5 વાગ્યા સુધી કર્ફ્યુૂ અમલમાં છે ( ફાઈલ ફોટો)
હાલ રાત્રિના 1 વાગ્યાથી સવારે 5 વાગ્યા સુધી કર્ફ્યુૂ અમલમાં છે ( ફાઈલ ફોટો)
અન્ય સમાચારો પણ છે...