જિલ્લા પણ કોરોનાના હોટસ્પોટ:ગુજરાતમાં કોરોના સંક્રમણ 24 જિલ્લા સુધી પહોંચ્યું, 6 દિવસમાં વલસાડમાં 27 અને નવસારીમાં 21 ગણા કેસ વધ્યા

અમદાવાદ19 દિવસ પહેલા
  • 3 દિવસમાં જ રાજ્યમાં વધુ 11 નવા જિલ્લામાં કોરોનાના નવા કેસો આવવા લાગ્યા
  • ડાંગ, બોટાદ, છોટાઉદેપુર તથા પાટણમાં 21મી ડિસેમ્બરથી 2 જાન્યુઆરી વચ્ચે એકપણ કેસ નથી આવ્યો

રાજ્યમાં રાજકીય અને સામાજિક કાર્યક્રમો, રેલીઓ અને માસ્ક વિના લોકોના મેળાવડાને પરિણામે ત્રીજી લહેરની શરૂઆત થઈ ગઈ છે. 21મી ડિસેમ્બરથી કોરોનાના કેસોમાં અચાનક ઉછાળો જોવા મળ્યો છે. શહેરોની સાથે સાથે જિલ્લાઓમાં પણ કોરોનાના કેસોમાં સતત વધારો થઈ રહ્યો છે. બીજી તરફ, ઓમિક્રોન વેરિયન્ટના કેસો પણ ઝડપથી નોંધાઈ રહ્યા છે. પરિણામે, પહેલી અને બીજી લહેરની તુલનાએ આ વખતે બમણી ઝડપે કેસો આવતાં સરકાર પણ દવાઓ, બેડ, ઈન્જેક્શનનો સ્ટોક કરી રાખ્યો છે. હાલ રાજ્યના આણંદ, કચ્છ, ખેડા, વલસાડ, નવસારી અને ગાંધીનગર જિલ્લામાં નવા કેસો રોકેટની ઝડપે વધી રહ્યા છે. એવામાં આ જિલ્લાઓમાં પણ કડક પ્રતિબંધો અંગે સરકારે વિચારવું જોઈએ.

કોરોના-બોમ્બ પર બેઠા છે આ 6 જિલ્લા
ગુજરાતના 6 જિલ્લા આણંદ, કચ્છ, ખેડા, વલસાડ, નવસારી અને ગાંધીનગરમાં વધતો કોરોના ચિંતા વધારી રહ્યો છે. 21થી 27 ડિસેમ્બર વચ્ચે આણંદમાં 28 કેસ, ગાંધીનગરમાં 16 કેસ, કચ્છમાં 23 કેસ, ખેડામાં 26 કેસ, વલસાડમાં 33 કેસ, નવસારીમાં 21 કેસ નોંધાયા હતા, જ્યારે 28 ડિસેમ્બરથી 2 જાન્યુઆરી વચ્ચે 6 દિવસમાં આ જિલ્લાઓમાં અનુક્રમે 138, 101, 85, 124, 90, 65 કેસ નોંધાયા છે, જે 4 ગણાથી લઈને 27 ગણા સુધીનો વધારો દર્શાવે છે.

12-13 જિલ્લાથી 24 જિલ્લામાં ફેલાયું સંક્રમણ
રાજ્યમાં આવતા નવા કેસોની વાત કરીએ તો 21 થી 24 ડિસેમ્બર સુધી જે 12-13 જિલ્લામાં દૈનિક કેસો આવતા હતા, એ 28મી ડિસેમ્બરથી વધીને 24 જિલ્લા સુધી થઈ ગયા. આમ, 3 દિવસમાં જ વધુ 11 નવા જિલ્લામાં કોરોનાના કેસો આવવા લાગ્યા છે. એવામાં ફરીથી નાનાં શહેરો અને ગામડાંમાં કોરોનાનું સંક્રમણ ફેલાતાં બીજી લહેર વખત જેવી હોસ્પિટલોની બહાર લાઈનો લાગવાની પરિસ્થિતિનું નિર્માણ થઈ શકે છે.

ભાવનગર-ભરુચમાં પણ ચિંતા વધી
રાજ્યના અન્ય જિલ્લાઓમાં વધતા કેસોની વાત કરીએ તો ભાવનગર અને ભરુચમાં પણ કોરોના સંક્રમણ વધી રહ્યું છે. ભાવનગરમાં 27 ડિસેમ્બરે 1 કેસ આવ્યો હતો, જે 2 જાન્યુઆરીએ 10 કેસ થઈ ગયા. આમ, 6 દિવસમાં 10 ગણા કેસોનો વધારો થયો. આવી જ રીતે ભરૂચમાં પણ 27 ડિસેમ્બરે 2 કેસ હતા, જે 2 જાન્યુઆરીએ 9 થઈ ગયા. આમ, અહીં પણ 4 ગણા કેસો વધ્યા છે.

ફાઈલ તસવીર.
ફાઈલ તસવીર.

4 જિલ્લામાં ખાસ સાવધાની જરૂરી
એક બાજુ, રાજ્યમાં તથા અન્ય જિલ્લાઓમાં કેસોનો વધારો થઈ રહ્યો છે, ત્યારે 4 જિલ્લામાં 21મી ડિસેમ્બરથી 2 જાન્યુઆરી સુધી ડાંગ, બોટાદ, છોટાઉદેપુર તથા પાટણમાં કોરોનાના કેસ નથી આવ્યા, જે એક સારી બાબત કહી શકાય, પરંતુ અહીં પણ જો લોકો સોશિયલ ડિસ્ટન્સિંગ, માસ્કનો ઉપયોગ નહીં કરે તો આ જિલ્લાઓમાં પણ આગામી સમયમાં કેસો આવી શકે છે, આથી તકેદારીના ભાગ રૂપે લોકોએ પોતાની જવાબદારી સમજીને ચુસ્તપણે કોવિડ ગાઈડલાઈન્સનું પાલન કરવું જોઈએ.

6 જિલ્લામાં છેલ્લા 13 દિવસમાં નોંધાયેલા કેસની વિગતો

તારીખઆણંદગાંધીનગરકચ્છખેડાવલસાડનવસારી
21 ડિસેમ્બર322554
22 ડિસેમ્બર001264
23 ડિસેમ્બર305454
24 ડિસેમ્બર026352
25 ડિસેમ્બર1833435
26 ડિસેમ્બર244481
27 ડિસેમ્બર252411
28 ડિસેમ્બર121057710
29 ડિસેમ્બર238132197
30 ડિસેમ્બર1419168158
31 ડિસેમ્બર211812131110
1 જાન્યુઆરી39262239219
2 જાન્યુઆરી292017362721
અન્ય સમાચારો પણ છે...