તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

અપીલ:વેક્સિનના બે ડોઝ લીધાના 11 દિવસમાં કોરોના પોઝિટિવ આવ્યો, પણ રસી લીધી એટલે જ બચી ગયાંઃ ડૉક્ટર દંપતી

અમદાવાદ14 દિવસ પહેલા
  • કૉપી લિંક
પ્રતિકાત્મક તસવીર. - Divya Bhaskar
પ્રતિકાત્મક તસવીર.

શહેરના એક ડૉક્ટર દંપતીએ કોરોના વેક્સિનના બે ડોઝ લેવા છતાં 11 દિવસની અંદર જ તેમનો કોરોના રિપોર્ટ પોઝિટિવ આવ્યો હતો. ડૉક્ટર દંપતીનું કહેવું છે કે, કોરોના વેક્સિનના બે ડોઝ સમયસર લીધા હોવાના કારણે જ તેમનો જીવ બચ્યો હતો. તેમનો રિપોર્ટ પોઝિટિવ આવવા છતાં તેમને શરીરમાં કોઈ જ પ્રકારની તકલીફ થઈ નહોતી. ડૉક્ટર દંપતીએ વેક્સિન બાબતના મિસકન્સેપ્ટને ભૂલી લોકોને વેક્સિન લેવા પર ભાર મૂક્યો હતો.

ખોખરા ડેન્ટલ કોલેજના ડૉ.બેલા દવેના ઘરમાં તેમને, પતિને અને માતાને મળીને ત્રણેયને કોરોનો થયો હતો. ડૉ. બેલા દવેએ 16 જાન્યુઆરીએ પ્રથમ અને 16 ફ્રેબ્રુઆરીએ બીજો ડોઝ લીધો હતો, જ્યારે તેમના પેથોલોજિસ્ટ પતિ ડૉ. દિલીપ દવેએ 29 જાન્યુઆરીએ પ્રથમ અને 3 માર્ચે બીજો ડોઝ લીધો હતો. 11 દિવસ બાદ ડૉક્ટર દંપતીને કોરોનાના ચિહ્નો જણાતાં 14 માર્ચે બંનેએ કોરોના રિપોર્ટ કરાવતાં, પોઝિટિવ આવ્યો હતો. ડૉ. દિલીપ દવેએ કહ્યું કે,ભલે અમને કોરોના થયો, પણ વેક્સિનને કારણે કોઈ અસર થઈ નહોતી.

તેમણે કહ્યું કે, લોકોમાં વેક્સિન બાબતે એવી ધારણા છે કે કોરોના થાય છે તો શા માટે વેક્સિન લેવી?, પણ હું માનું છું કે, અમે બંનેએ સમયસર કોરોના વેક્સિન લીધી તેથી જ અમને કોરોના વાયરસની અસર થઈ નહોતી. જો સમયસર વેક્સિન ના લીધી હોત તો કદાચ વધારે મુશ્કેલી થઈ હોત.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે રોકાણ જેવા કોઇ આર્થિક ગતિવિધિમાં વ્યસ્તતા રહેશે. લાંબા સમયથી ચાલી રહેલી કોઇ ચિંતાથી પણ રાહત મળશે. ઘરના વડીલોનું માર્ગદર્શન તમારા માટે ખૂબ જ ફાયદાકારક તથા સુકૂન આપનાર રહેશે. નેગેટિવ...

    વધુ વાંચો