કોરોના ગુજરાત LIVE:રાજ્યમાં 1 હજારથી ઓછા 942 નવા કેસ, 679 દર્દી રિકવર અને એક પણ મોત નહીં

રાજ્યમાં કોરોનાના કેસમાં આજે નજીવો ઘટાડો થયો છે. પરંતુ એક્ટિવ કેસનો આંકડો સાડા 6 હજારને પાર થઈ ગયો છે. છેલ્લા 24 કલાકમાં કોરોનાના 942 નવા કેસ નોંધાયા છે. જ્યારે 679 દર્દી સાજા થયા છે. જેમાં અમદાવાદમાં 329 કેસ નોંધાયા છે. આ સાથે રાજ્યમાં કોરોનાનો રિક્વરી રેટ 98.61 ટકા થયો છે.

6537 એક્ટિવ કેસ, 14 દર્દી વેન્ટિલેટર પર
રાજ્યમાં અત્યાર સુધીમાં 12 લાખ 55 હજાર 171ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 970 પર સ્થિર થયો છે. તેમજ અત્યાર સુધીમાં 12 લાખ 37 હજાર 664 દર્દી ડિસ્ચાર્જ થયા છે. હાલ 6537 એક્ટિવ કેસ છે, 14 દર્દી વેન્ટિલેટર પર છે અને 6523 દર્દીઓની હાલત સ્થિર છે.

જુલાઈ મહિનામાં 24 દર્દીના મોત
30મી જુલાઈએ અમદાવાદ શહેરમાં 2 દર્દીનાં મોત થયા હતા, જ્યારે 1લી જુલાઈએ વલસાડમાં અને 4 જુલાઈએ મહેસાણામાં 1-1 દર્દીનું મોત થયું હતું. રાજ્યમાં એક સપ્તાહ બાદ 12 જુલાઈએ ગાંધીનગર અને વલસાડ જિલ્લામાં 1-1 મળી કુલ 2ના મોત થયા હતા. ત્યારબાદ 14 જુલાઈએ અમદાવાદ શહેરમાં 1 દર્દીનું મોત થયું હતું. 15 જુલાઈએ અમદાવાદ શહેર અને ભાવનગર શહેરમાં 1-1 મળી કુલ 2 દર્દીના કોરોનાથી મોત થયા હતા. 16 જુલાઈએ રાજકોટ જિલ્લામાં એક દર્દીનું મોત થયું હતું. 21મી જુલાઈએ અમદાવાદ શહેરમાં 2 દર્દીના મોત થયાં હતાં. 22મી જુલાઈએ અમદાવાદ શહેર, સુરત શહેર અને ભાવનગર શહેરમાં 1-1 એમ કુલ 3નાં મોત થયાં હતાં. 23મી જુલાઈએ અમદાવાદ શહેરમાં એક દર્દીનું મોત નોઁધાયું હતું. 25મી જુલાઈએ અમદાવાદ શહેરમાં 2 અને અરવલ્લી જિલ્લામાં 1 દર્દીનું મોત થયું હતું. 26મી જુલાઈએ અમદાવાદ શહેરમાં એક દર્દીનું મોત થયું હતું. 28મી જુલાઈએ અમદાવાદ શહેરમાં એક દર્દીનું મોત થયું હતું. 29મી જુલાઈએ અમદાવાદ શહેરમાં 3 દર્દીનું મોત થયાં હતાં.

1 જુલાઈથી અત્યાર સુધી રાજ્યમાં નોંધાયેલાં કેસ, મોત અને ડિસ્ચાર્જના આંકડાઓ

રાજ્યમાં કુલ 1255171 કેસ, 10970 દર્દીનાં મોત અને 1237664 દર્દી ડિસ્ચાર્જ