કોરોના ગુજરાત LIVE:ગુજરાતમાં કોરોના માતેલા સાંઢની જેમ વિફર્યો, 24 કલાકમાં રેકોર્ડબ્રેક 1560 કેસ નોંધાયા, મુખ્યમંત્રી આવાસનો રસોઈયો પણ પોઝિટિવ આવ્યો

ગુજરાતમાં દિવાળી તહેવારો બાદ કોરોનાનો હવે માતેલાસાંઢની જેમ વિફર્યો છે. રાજ્યમાં અત્યાર સુધીના સૌથી વધુ 1560 કેસ નોંધાયા છે. છેલ્લા 24 કલાકમાં 70 હજાર 820 ટેસ્ટ કરવામાં આવ્યા છે. જેમાંથી 1,560ના રિપોર્ટ પોઝિટિવ આવ્યા છે. જ્યારે 16 દર્દીના મોત થયા છે. તેમજ રાહતની વાત એ છે કે, 1,302 દર્દી કોરોનાને હરાવીને ઘરે પરત ફર્યા છે. જ્યારે રિકવરી રેટ 90.99 ટકાથી ઘટીને 90.93 ટકા થયો છે.

મુખ્યમંત્રી આવાસનો રસોઈયો કોરોના પોઝિટિવ આવ્યો
મુખ્યમંત્રી વિજય રૂપાણીના સત્તાવાર નિવાસસ્થાને કામ કરતા રસોઈયાનો કોરોના પોઝીટીવ આવ્યો છે. તે મુખ્યમંત્રીના નિવાસસ્થાને પરિવાર સાથે રહે છે ઉપરાંત તેનો પુત્ર પણ પોઝિટીવ આવ્યો છે.

ભાજપ પ્રદેશ પ્રમુખનો પુત્ર પણ પોઝિટિવ
ભાજપ પ્રદેશ પ્રમુખ સી.આર.પાટીલના પુત્ર જિજ્ઞેશ પાટીલને કોરોના થયો છે. પાટીલના પુત્રને સુરતમાં દાખલ કરવામાં આવ્યો છે. જિજ્ઞેશ પાટીલને બે દિવસથી કોરોના થયો હોવાના અહેવાલ મળે છે.આ બાબતે ભાજપ પ્રદેશ પ્રમુખ સી.આર.પાટીલનો સંપર્ક કરવામાં આવ્યો હતો પરંતું તેમનો સંપર્ક થઇ શકયો હતો નહીં, પણ તેમને હોમકોરોન્ટાઇન કરવામાં આવ્યા છે તેવું સુત્રો પાસેથી જાણવા મળ્યું છે. મળતી માહિતી પ્રમાણે તેમને કોરોનાના બહું લક્ષણ છે નહીં એટલે હોસ્પિટલમાં દાખલ કરવાની જરૂર પડી નથી,પણ તેમનો તબિબિ લેબોરેટરી રીપોર્ટ કરાવવામાં આવતા તેમને કોરોના થયો હોવાનું જાણવા મળ્યું છે.

અત્યાર સુધીમાં 4વાર 1500થી વધુ કેસો નોંધાયા
અત્યાર સુધીમાં ગુજરાતમાં ત્રણવાર 1500થી વધુ કેસ નોંધાયા છે. જેમાં સૌપ્રથમવાર 21 નવેમ્બરે 1515 કેસ નોંધાયા હતા. ત્યાર બાદ 24 નવેમ્બરે 1510 અને 25મી નવેમ્બરના રોજ 1540 અને 26 નવેમ્બરે 1560 કેસ નોંધાયા છે.

રાજ્યમાં 14,529 એક્ટિવ કેસ, 92 વેન્ટીલેટર પર, કુલ કેસ 2 લાખ 3 હજાર 509
રાજ્યમાં અત્યાર સુધીમાં 75 લાખ 51 હજાર 609 ટેસ્ટ કરવામાં આવ્યા છે, જેમાંથી 2 લાખ 3 હજાર 509ના રિપોર્ટ પોઝિટિવ આવ્યા છે, જ્યારે મૃત્યુઆંક 3,922એ પહોંચ્યો છે. તેમજ અત્યાર સુધીમાં 1 લાખ 85 હજાર 58 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 14,529 એક્ટિવ કેસ છે, જેમાંથી 92 વેન્ટિલેટર પર જ્યારે 14,439 દર્દીની હાલત સ્થિર છે.

રાજ્યમાં લોકડાઉન નહીં: મુખ્યમંત્રીની ફરી સ્પષ્ટતા
કફર્યૂ અને લોકડાઉનને લઈને CM રૂપાણીએ કરી સ્પષ્ટતા, જો પરિસ્થિતિ બગડશે તો ઉચિત નિર્ણય કરાશે, સાથે જ એમ પણ કહ્યું હતું કે રાજ્યમાં ફરી લોકડાઉન લાદવામાં નહીં આવે. લોકોને સારવાર મળે એ અમારી પ્રાથમિકતા છે. કોરોના મહામારીને રોકવા માટે સરકાર કટિબદ્ધ છે. જ્યારે રાજ્યનાં ચાર શહેરમાં રાત્રિ કર્ફ્યૂ રહેશે અને દિવસે કર્ફ્યૂ આવે તેવી કોઈ વિચારણા નથી.

અન્ય રાજ્યોની સરખામણીએ ગુજરાતમાં નવા કેસ, કુલ કેસ અને એક્ટિવ કેસ

1 ઓક્ટોબરથી 26 નવેમ્બર સુધી રાજ્યમાં નોંધાયેલાં કેસ, મોત અને ડિસ્ચાર્જના આંકડાઓ

​​​​​​રાજ્યમાં કુલ કેસ 2,03,509 અને 3,922ના મોત અને કુલ 1,85,058 દર્દી ડિસ્ચાર્જ