તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રજૂઆત:SC,ST અને OBC વિદ્યાર્થીઓની 15 મહિનાથી અટવાયેલા સ્કોલરશીપ આપવા કોંગ્રેસનો CMને પત્ર

અમદાવાદએક મહિનો પહેલા
  • કૉપી લિંક
કોંગ્રેસ પ્રવક્તા મનીષ દોશીની ફાઈલ તસવીર - Divya Bhaskar
કોંગ્રેસ પ્રવક્તા મનીષ દોશીની ફાઈલ તસવીર
  • કોરોનાકાળમાં છેલ્લા 15 મહિનાથી વિદ્યાર્થીઓને સ્કોલરશીપ નથી મળી

કોરોનાકાળમાં શિક્ષણ વિભાગ પણ પ્રભાવિત થયું છે. ત્યારે સ્કૂલ કોલેજમાં ભણતા SC,ST અને OBC સમાજના વિદ્યાર્થીઓને મળતી સ્કોલરશીપ 15 મહિનાથી અટવાયેલી છે. 15 મહિનાથી અટવાયેલી સ્કોલરશીપ વિદ્યાર્થીઓને આપવા માટે કોંગ્રેસ પ્રવકતાએ મુખ્યમંત્રીને પત્ર લખ્યો છે.

કોરોનાકાળમાં 15 મહિના શિક્ષણ બંધ હતું
કોંગ્રેસના પ્રવક્તા મનીષ દોશીએ મુખ્યમંત્રીને પત્ર લખ્યો હતો, જેમાં SC,ST અને OBC ને મળવા પાત્ર સ્કોલરશીપ તથા અન્ય યોજના હેઠળના શૈક્ષણિક લાભ આપવા પત્ર લખ્યો છે. ગુજરાતના SC,ST અને OBCના વિદ્યાર્થીઓ વિવિધ અભ્યાસક્રમોમાં શાળા-કોલેજ યુનિવર્સિટી કક્ષાએ અભ્યાસ કરે છે. કોરોના મહામારીમાં શિક્ષણ સૌથી વધુ પ્રભાવિત થયું છે. 15 મહિના જેટલા સમયથી શાળા-કોલેજના શૈક્ષણિક કેમ્પસ બંધ હતું. જોકે કોરોનાની બીજી લહેર બાદ કેસમાં ઘટાડો થતા હવે ધો.9થી 12 તથા કોલેજમાં ઓફલાઈન ક્લાસ શરૂ કરવામાં આવ્યા છે.

કોંગ્રેસે મુખ્યમંત્રીને લખેલો પત્ર
કોંગ્રેસે મુખ્યમંત્રીને લખેલો પત્ર

સ્કોલરશીપ ન મળતા વાલીઓ પર દબાણ
અત્યારની પરિસ્થિતિમાં વાલીઓ માટે શિક્ષણની ઊંચી ફી લેવી મુશ્કેલ છે. એક તરફ સંચાલકો ફી ભરવા દબાણ કરી રહ્યા છે, બીજી તરફ હજુ સુધી સ્કોલરશીપ આપવામાં આવી નથી. રાજ્ય સરકાર મોટી જાહેરાત પર ખર્ચ કરવાને બદલે નાણાંકીય લાભ અને સ્કોલરશીપ 15 મહિનાથી અટવાયેલી છે તે તાત્કાલિક આપે.