રાજકીય સહાય:ભાજપના 30 વર્ષ જૂના અદના કાર્યકરને કોંગ્રેસી આગેવાનોએ અનાજની કીટ અને આર્થિક મદદ આપી

લોકડાઉનના ત્રીજા તબક્કો ચાલે છે ત્યારે સામાન્ય પ્રજા તો પરંતું સત્તાધારી પક્ષ ભાજપ સાથે સંકળાયેલા નેતાઓ અને કાર્યકરો પણ હવે પોતાની હૈયાવરાળ ઢાલવી રહ્યા છે. ભાજપ સાથે ભાઈપુરા વોર્ડમાં 30 વર્ષથી સંકળાયેલા અનુસૂચિત જાતિના કોષાધ્યક્ષે એક વીડિયોમાં સહાય ન મળતી હોવાનો રોષ ઠાલવ્યો હતો. જેને પગલે તેના અહેવાલ DivyaBhaskar પર પ્રકાશિત કરાતા કોંગ્રેસના ધમભાઈ પટેલ, ગણપત પરમાર સહિતના નેતાઓએ કલાભાઈ વઢિયારીને અનાજની કીટ અને આર્થિક સહાય આપી હતી.

કલાભાઈએ ખાવાના ફાંફા હોવાનું વીડિયોમાં કહ્યું
વીડિયોના માધ્યમથી પોતાની સ્થિતિ વિશે કલાભાઈએ જણાવ્યું છે કે, મારા ઘરે ખાવાના ફાંફા છે પણ કોઈ નેતા પૂછવા આવ્યા નથી. હું લોકોને મારી વાત કરું છું તો લોકો કહે છે. તમે ભાજપના નેતા છો, તમારી આવી હાલત છે.

ધારાસભ્યએ કીટ વિતરણ કરી તસવીરો ખેંચાવી
અમરાઈવાડીનાના ધારાસભ્ય જગદીશ પટેલે ગયા મહિને પોતાના મતવિસ્તારમાં બીજા લોકોને કીટ વિતરણ કરી તસવીરો પડાવી હતી પરંતુ તેમના જ પક્ષના કાર્યકરો ને ખાવાના ફાંફા પડી રહ્યા છે ત્યારે સોશિયલ મીડિયામાં તેમની સામે રોષ જોવા મળ્યો હતો.