નાણાકિય સ્થિતિ ખરાબ થતા નિર્ણય:લક્ષ્મી વિલાસ બેન્ક પર કેન્દ્ર સરકારે એક મહિનાનું મોરેટોરિયમ લગાવ્યું, ગુજરાતમાં અનેક જગ્યાએ શાખાઓ

લક્ષ્મી વિલાસ બેન્ક પર કેન્દ્ર સરકારે એક મહિનાનું મોરેટોરિયમ લગાવ્યું છે. બેન્કની નાણાંકિય સ્થિતિ ખરાબ હોવાથી RBIએ ગાળિયો કસ્યો છે. 16 ડિસેમ્બર સુધી માત્ર 25 હજાર રૂપિયા જ ઉઠાવી શકાશે તેવો નિર્ણય લેવામાં આવ્યો છે.

રાજ્યમાં અનેક જગ્યાએ બેન્કની શાખાઓ છે
બેન્કના દેવામાં સતત વધારો થતા RBIએ બેન્ક સામે કાર્યવાહી કરી છે. ઉલ્લેખનીય છે કે, આ બેન્ક 92 વર્ષ જૂની છે. આ ઉપરાંત રાજ્યમાં અનેક જગ્યાએ બેન્કની શાખાઓ આવેલી છે. રાજ્યમાં અમદાવાદ, આણંદ, ગાંધીધામ, ગાંધીનગર, નવસારી, જામનગર અને સુરતમાં પણ બેન્કની શાખાઓ છે.