પોલીસની બાજ નજર:વેજલપુરમાં દારૂની 275 બોટલ સાથે બૂટલેગર પકડાયો

વેજલપુરના ઝલક ફ્લેટ પાસેથી પસાર થઈ રહેલી એક કારમાં બૂટલેગર વિદેશી દારૂની બોટલો લઈને જઈ રહ્યો હોવાની બાતમી વેજલપુર પોલીસને મળી હતી, જેના આધારે પોલીસે વોચ ગોઠવી હતી. દરમિયાનમાં ત્યાંથી પસાર થઇ રહેલી કારને પોલીસે રોકીને તપાસ કરતા તેમાંથી દારૂની 275 બોટલ મળી હતી.

આ સાથે કાર ચાલક બુટલેગર મોહંમદ યુનુસ અલ્લારખા મંસુરી(જુહાપુરા)ને ઝડપી લીધો હતો. પોલીસે દારૂની બોટલો અને કાર મળીને કુલ રૂ.5.40 લાખની કિંમતનો મુદ્દામાલ કબજે કર્યો હતો.