તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સફળ સારવાર:બિહારના વ્યક્તિએ ગુજરાતની ખાનગી હોસ્પિટલમાં મ્યુકરની સારવારમાં આંખનું વિઝન ગુમાવ્યું, અમદાવાદ સિવિલના તબીબોએ જિંદગી બચાવી

અમદાવાદ4 દિવસ પહેલા
  • કૉપી લિંક
બિહારના વ્યક્તિને અમદાવાદ સિવિલમાં નવજીવન મળ્યું - Divya Bhaskar
બિહારના વ્યક્તિને અમદાવાદ સિવિલમાં નવજીવન મળ્યું
  • ખાનગી હોસ્પિટલના તબીબોએ આંખ કાઢવી પડશે તેમ કહ્યું પણ સિવિલ હોસ્પિટલના તબીબોએ સામાન્ય સારવારથી સાજા કર્યા.

કોરોનાની બીજી લહેર દરમિયાન બિહારમાં રહેતા યુવાન ગુજરાતમાં પાલનપુર ખાતે પોતાના ભાઈને ત્યાં આવ્યા હતાં. તે દરમિયાન તેમને કોરોનાનો ચેપ લાગ્યો હતો. પાલનપુરમાં જ ખાનગી હોસ્પિટલમાં કોરોનાની સારવાર ચાલુ હતી. સારવાર દરમિયાન તેમને સ્ટેરોઇડ્સના ઉપયોગ અને 10 દિવસ ઓક્સિજન સપોર્ટ પર રાખવામાં આવ્યાં હતાં. જેને કારણે તેમને મગજના ડાબી બાજુના ભાગમા એકા એક દુઃખાવો શરુ થયો હતો. રીપોર્ટ્સ કઢાવ્યા બાદ તેમને મ્યુકોરમાઈકોસિસ હોવાનું જાણવા મળ્યું હતું.

ચહેરો બેડોળ બની જવાની સંભાવના હતી
આલોક ચૌધરી નામના આ દર્દીની મ્યુકરમાઇકોસીસની સારવાર ખાનગી હોસ્પિટલમાં ચાલી રહી હતી. રોગની ગંભીરતા એટલી વધી ગઇ કે આલોકભાઇએ દ્રષ્ટિ ગુમાવવી પડી. ખાનગી હોસ્પિટલના તબીબોએ આંખ કાઢવા પણ કહ્યું હતુ. જેથી ચહેરો બેડોળ બની જવાની સંભાવના હતી. જેથી બીજો અભિપ્રાય લેવા આલોકભાઇ સિવિલ હોસ્પિટલ પહોંચ્યા હતાં. સિવિલ હોસ્પિટલના તબીબોએ બધા રીપોર્ટસના આધારે કહ્યું કે, આંખ કાઢવાની કોઇ જરૂર નથી. સામાન્ય દવા થી મ્યુકરમાઇકોસીસ રોગ પર નિયંત્રણ મેળવી શકાશે. મ્યુકરમાઇકોસીસની ફંગસ મગજ સુધી પહોંચી નથી.

કોરોનાની સારવાર બાદ મગજના ભાગમાં પીડા થઈ
મગજના ભાગમાં પીડા શરુ થતાં તેમણે સૌ પ્રથમ તો ખાનગી ઓપ્થેલમોલોજીસ્ટને બતાવ્યુ. તેઓએ સામાન્ય દવા આપીને ઘરે જઇ આરામ કરવા કહ્યું. પરતું તે દવાથી કંઇ ફરક પડી રહ્યો ન હતો. આલોક કુમારની પીડામાં વધારો થઇ રહ્યો હતો. જે કારણોસર તેમના ભાઇએ તેમને અમદાવાદમાં સારવાર માટે જવા કહ્યું. આલોકભાઇ અમદાવાદની ખાનગી હોસ્પિટલમાં સારવાર માટે પહોંચ્યા. ત્યાંના તબીબોએ MRI રીપોર્ટ કરાવ્યું. MRIના આધારે મ્યુકરમાઇકોસીસ હોવાનું નિદાન થયુ. જેથી તેની સર્જરી કરીને ત્યારબાદ મેડીસિન સારવાર પધ્ધતિ પર રાખવામાં આવ્યા. એમ્ફોટોરેસીની બી ઇન્જેકશનની સારવાર શરૂ કરવામાં આવી.

સિવિલ હોસ્પિટલ અને ગુજરાત સરકારનો હ્યદયપૂર્વક આભાર વ્યક્ત કર્યો
સિવિલ હોસ્પિટલ અને ગુજરાત સરકારનો હ્યદયપૂર્વક આભાર વ્યક્ત કર્યો

મ્યુકર થતાં પરિવાર ચિંતાતુર બન્યો
ખાનગી હોસ્પિટલના તબીબોએ આલોકભાઇના બ્લડ રીપોર્ટસ, બાયોપ્સી અને કેઓએચ(KOH)રીપોર્ટ કરાવ્યા. જેમાં ઘણી વિષમતાઓ જોવા મળી રહી હતી. બાયોપ્સીમાં મ્યુકરનું ફંગસ નેગેટીવ અને કેઓએચ રીપોર્ટમાં પોઝીટીવ આવી રહ્યો હતો. જેથી આલોકભાઇની ફરી MRI કરવામાં આવી. જેમાં મ્યુકર ફંગસનું ઇન્ફેકશન બ્રેઇનમાં હોવાનું જણાઇ આવ્યું. આંખ થકી મગજ સુધી પહોંચેલ મ્યુકર જેનાથી રેટીનલ હેમરેજ થવાની સંભાવનાઓ રહેલી હતી. જેને અટકાવવા માટે તબીબોએ આંખ કાઢવી પડશે તેમ કહ્યું. જેથી આલોકભાઇ અને તેમનો પરિવાર ચિંતાતુર બન્યો.

સિવિલમાં સામાન્ય સારવારમાં નવજીવન મળ્યું
આલોકભાઇએ તબીબોનો અન્ય અભિપ્રાય લઇ સર્જરી અને સારવાર કરાવવા હેતુથી સિવિલ હોસ્પિટલ આવી પહોંચ્યા. સિવિલમાં ન્યુરોલોજીસ્ટને તમામ રીપોર્ટસ બતાવતા તેઓએ મ્યુકર મગજ સુધી પહોચ્યુ ન હોવાનું તારણ કાઢ્યુ અને આંખની સર્જરી કરવાની કોઇ જરૂર નથી તેમ કહ્યું. પરંતુ કેટલાક કિસ્સામાં લાંબાગાળે દ્રષ્ટિ પૂર્વવત થવાની અથવા તેમાં સુધાર થવાની સંભાવનાઓ રહેલી હોય છે.જે જુસ્સા સાથે આજે આલોકભાઇ સિવિલ હોસ્પિટલમાં સંપૂર્ણપણે સાજા થઇ મ્યુકોરમાઇકોસીસને મ્હાત આપીને ઘરે પરત ફરવા તૈયાર છે.

આલોક ચૌધરી કહે છે કે ”સિવિલ હોસ્પિટલમાં સારવાર મેળવીને મને નવજીવન પ્રાપ્ત થયુ છે.સિવિલ હોસ્પિટલના તબીબોની સારવાર પ્રત્યેની પરિપક્વતા ખાનગી તબીબોની સરખામણીમાં ઘણી વધુ છે તેમ મેં સિવિલ હોસ્પિટલમા સારવાર મેળવ્યા બાદ અનુભવ્યું છે. સિવિલ હોસ્પિટલના તબીબોના અનુભવના આધારે જ આજે હું આંખ ગુમાવવાથી બચી શક્યો છે. ચહેરો બેડોળ બનતા અટક્યો છે.જે માટે સિવિલ હોસ્પિટલ અને ગુજરાત સરકારનો હ્યદયપૂર્વક આભાર વ્યક્ત કરૂ છું.”

અન્ય સમાચારો પણ છે...