ક્રાઇમ:IOCની લાઈનમાંથી ચોરી કરેલું ઓઈલ ખરીદનાર ભાવનગરનો વેપારી પકડાયો

આઈઓસીની પાઈપ લાઇનમાં પંક્ચર કરીને 3 લાખ લિટર ક્રૂડ ઓઇલની ચોરી કરનારી ટોળકી પાસેથી ઓઈલ ખરીદનાર ભાવનગરના વેપારી ઈમરાન નાયાણીને જિલ્લા એલસીબીએ ઝડપી લીધો હતો.

અસલાલીના એક ખેતરમાંથી ક્રુડ ઓઈલની પાઈપ લાઈનમાં પંક્ચર કરીને ઓઈલની ચોરી કરવામાં આવી હતી. આ અંગે અસલાલીમાં ગુનો નોંધાયો હતો, જેમાં પોલીસે અગાઉ ખેતર માલિક સહિત 8 આરોપીની ધરપકડ કરી હતી. જે પૈકી ઓઈલ ચોરી કરનાર ચોર ઈસ્માઈલ ઉર્ફે સમીર નૂરમહંમદ મોદનની પૂછપરછ કરતા તેણે ચોરી કરેલું ક્રૂડ ઓઈલ ભાવનગર તળાજાના વેપારી ઈમરાન નાયાણી(30)ને વેચ્યું હોવાની કબૂલાત કરી હતી.