કબૂલાત:ચૂંટણી પહેલાં નરોડા પોલીસે દેશી રિવોલ્વર સાથે બેની ધરપકડ કરી

શહેરમાં ચૂંટણી પૂર્વે બાતમીને આધારે નરોડા પોલીસે દેશી રિવોલ્વર સાથે બે વિદ્યાર્થીઓની ધરપકડ કરી છે.

નરોડા પોલીસને બાતમી મળતા દેવી સિનેમા નજીક શંકાસ્પદ બે યુવકોની અટકાયત કરી તપાસ કરતા યુવકો પાસેથી ગેરકાયદેસર દેશી રિવોલ્વર મળી હતી. પોલીસે આ મામલે દેવેન્દ્રસિંહ તેજસિંહ રાજાવત(ઉં.24,રહે. અલીગઢ, રાજસ્થાન) અને દિનેશકુમાર હવાસિંહ જાટ(ઉં.20, રહે. શ્રીવાટિકા સોસાયટી, અજમેર) ની ધરપકડ કરી છે. પૂછપરછમાં બંનેે આરોપી વિદ્યાર્થી હોવાનું અને રાજસ્થાનથી ખાનગી બસમાં બંદૂક લઇને આવ્યા હોવાની કબૂલાત કરી હતી. આ અંગેે પીએસઆઈ એ.એમ પટેલે જણાવ્યું હતું કે, આરોપીઓ હથિયાર શા માટે લાવ્યા હતા તે અંગે તપાસ કરવામાં આવી રહી છે.