• Gujarati News
  • Local
  • Gujarat
  • Ahmedabad
  • Bariatric Surgery Of Chetan Parmar, Tired Of Weighing 210 KG, Kept The Bed For Two Hours The Previous Day To Ensure That The Table Does Not Breaak

અમદાવાદ સિવિલમાં ચમત્કાર:210 KG વજનથી કંટાળેલા ચેતન પરમારની બેરિયાટ્રિક સર્જરી, ટેબલ ન તૂટે એ જોવા આગલા દિવસે બે કલાક સુવાડી રખાયા

અમદાવાદ3 મહિનો પહેલા

દિવસેને દિવસે દેશભરમાં લોકો ઓબેસિટી એટલે કે મેદસ્વિતાનો શિકાર થઈ રહ્યા છે. ત્યારે મેદસ્વિતાથી મહાકાય શરીર થઈ જતાં બોટાદના હીરા ઘસવાનું કામ કરતા ચેતન પરમાર મહામુશ્કેલીનો સામનો કરવો પડતો હતો. ત્યારે અમદાવાદ સિવિલ હોસ્પિટલમાં 210 કિલોગ્રામ વજન ધરાવતા ચેતનની બેરિયાટ્રિક સર્જરી કરવામાં આવી છે. જોકે આ સફળ ઓપરેશનનો ચમત્કાર કરવા માટે હોસ્પિટલે ઓપરેશનના આગલા દિવસે તેમને બે કલાક સુધી ઓપરેશનના ટેબલ પર સુવડાવી રાખ્યા હતા. કારણ કે ઓપરેશનના અધવચ્ચે ટેબલ તૂટી જતાં કોઈ મુશ્કેલનો સામનો ન કરવો પડે.

ચેતન માટે ચાલવું પણ મુશ્કેલી થઈ ગયું
અમદાવાદ સિવિલ હોસ્પિટલમાં પહેલીવાર 200 કિલોથી વધુ વજન ધરાવતી વ્યક્તિની બેરિયાટ્રિક સર્જરી કરવામાં આવી છે. 200 કિલોનું વજન કોઈપણ વ્યક્તિને પરસેવો છોડાવી દે, ત્યારે આટલું વજન લઈને જીવન કેટલું કઠીન હોય છે તે બોટાદના ચેતન પરમાર સારી રીતે જાણે છે. તેમનાથી વધારે પરસેવો તો સિવિલ હોસ્પિટલના ડોક્ટરોને છૂટી ગયો હતો. જિનેટિકલ પ્રોબ્લેમથી ચેતનનું વજન દિવસેને દિવસે વધતું જતું હતું. એટલું જ નહીં તેમનું ચાલવું પણ મુશ્કેલ બની ગયું હતું. રોજિંદી કામગીરી કરવી પણ શક્ય ન હતી. જેથી કંટાળીને સર્જરી કરાવવા નિર્ણય કર્યો હતો.

સફળ સર્જરી બાદ ડિસ્ચાર્જ
મોર્બિડ ઓબેસિટીથી પીડિત બોટાદના 40 વર્ષીય ચેતન પરમારને સિવિલ હોસ્પિટલના વોર્ડ 4માં દાખલ કરાયા હતા. તેમની બેરિયાટ્રિક સર્જરી મિનિ ગેસ્ટ્રિક બાયપાસ ઓપરેટિંગ સર્જન ડો. પ્રશાંત મહેતા, ડો. રાકેશ મકવાણા અને ડો. વિક્રમ મહેતાએ કરી હતી. તેમને ડો. સોનલ, ડો. ચંદ્રેશ અને ડો. અદિતીએ એનેસ્થેસિયા આપ્યું હતું. તેમાં સિસ્ટર સેજલ અને તારિકા સહકાર મળ્યો હતા. સફળ સર્જરી બાદ હવે તેમને ડિસ્ચાર્જ અપાશે.

એક્સ-રે કાઢવામાં પણ મુશ્કેલી પડી
ચેતન પરમારનો વજન 210 કિલો હતો. આજ વજન સિવિલ હોસ્પિટલ માટે સૌથી મોટી ચેલેન્જ હતી. કેમ કે અત્યાર સુધી અહીં 150 કિલો વજન ધરાવતી એક મહિલાની જ બેરિયાટ્રિક સર્જરી કરાઈ હતી. તેવામાં હોસ્પિટલે આ ચેલેન્જને સ્વીકારીને મેદસ્વિતાથી પીડાતા દર્દીનું ઓપરેશન કરવાનું બીડું ઝડપ્યું હતું. જો કે દર્દીનો એક્સરે કાઢવા માટે પણ મુશ્કેલી હતી. કેમ કે એક્સે-રેની પ્લેટ નાની પડતી હતી એટલે બે ભાગમાં એક્સરે પાડવા પડતાં હતા. ઓપરેશન દ્વારા વધુ વજનને કારણે ટેબલ તૂટવાનો બનાવ ન બને તે માટે ઓપરેશનના આગલા દિવસે બે કલાક સુધી દર્દીને સુવાડી રાખવા નિર્ણય લીધો હતો. ઓપરેશન થિયેટરમાં ટેબલમાં આટલા વજનથી ટેબલ તૂટી જાય કે નહીં તેની ચકાસણી કરાઈ હતી.

બેરિયાટ્રિક સર્જરી પાર પાડવા મુશ્કેલી પડી
ચેતનને એનેસ્થિયા આપ્યા બાદ 10 જેટલા લોકોએ તેને ઉચકીને ટેબલ પર લઈ ગઈ હતી. દર્દીના ઓપરેશન પહેલા તેનું વજન કરવા માટે સિવિલ હોસ્પિટલમાં તેનું વજન કરાવી શકાય તેવો વજન કાંટો પણ ન હતો. ત્યારે 210 કિલો વજન ધરાવતા આ દર્દીના વજન માટે સાધનો હોસ્પિટલ પાસે ન હતા જે બહારથી મંગાવવાની ફરજ પડી હતી. આ પહેલાં તેઓ જ્યારે પણ સગા-વ્હાંલા કે અન્ય કોઈના ઘરે જતાં ત્યારે પોતાની ખુરશી સાથે લઈ જતા હતા. એટલું જ નહીં તેમનું વજન વધુ હોવાથી તમામ રિક્ષાચાલકો લઈ જવા તૈયાર થતાં ન હતા.

વજન એટલો હતો કે સિવિલના ડોક્ટરો માટે ચેલેન્જ હતી
10 લાખથી 20 લાખમાં પ્રાઇવેટમાં થતા ઓપરેશનને માત્ર 20 થી 30 હજારના ખર્ચમાં સિવિલ હોસ્પિટલના તબીબો દ્વારા ઓપરેશન કરી અપાયુ છે. ડોક્ટરોનું કહેવું છે કે અત્યાર સુધી સિવિલમાં વધુમાં વધુ 150 કિલો વજન ધરાવતા વ્યક્તિની સર્જરી કરવામાં આવી છે. આ પ્રથમ ઘટના બની છે કે 200 કિલો વજનની વ્યક્તિનું સફળ સર્જરી થઈ છે. ખાનગી હોસ્પિટલમાં આ સર્જરી 10 લાખની થાય છે. જ્યારે સિવિલમાં ૩૦ હજારનો ખર્ચ થયો છે. અગાઉ સિવિલમાં તૃપ્તિબેન નામની મહિલાનું ઓપરેશન કરવામાં આવ્યું હતું. તેઓનું વજન 110થી ઘટી 75 થયું છે.

વજન વધવાનાં કારણો
ડોક્ટરોનું માનીએ તો ઓબેસિટી માટે જેનિટિક, જંક ફુડ અને હોર્મોન્સ ડિસ ઓર્ડર જેવા કારણો જવાબદાર હોય છે. એવા લોકોને બીપી, ડાયાબિટીસ સહિતની બીમારીઓ થવાની શક્યતા વધી જાય છે. જેથી વજન સતત વધે તો તેને નિયંત્રિત કરવું જોઇએ.

ઓબેસિટી બેરિયાટ્રિક સર્જરી પહેલા અને સર્જરી દરમિયાન ઉદભવતા પડકારો

  • -વધુ વજનને લીધે દર્દીને એક જગ્યાએ થી બીજી જગ્યાએ શિફ્ટ કરવાની મુશ્કેલીઓ
  • ઓપરેશન પહેલા અનેસ્થેસિયા આપવા માટે અને ઓપરેશન દરમિયાન દર્દીને સુવડાવવા માટે વજન સહી શકે તેવા બેડની જરૂરિયાત
  • લેપ્રોસ્કોપી માટે અલાયદા સાધનોની આવશ્યકતા, વધારે લંબાઈ વાળા શરીરમાં ચરબીના થરને ભેદી શકે તે પ્રમાણેના લેપરોસ્કોપી સાધનોની જરૂરિયાત રહે છે.
  • દર્દીના એકસ- રે કરવામાં ખૂબ જ મુશ્કેલી પડે
  • વધારે વજન ધરાવતા દર્દીઓમાં 10-12 ઇંચ લંબાઈનું ચરબીનું થર તેમજ પેટની દિવાલનું વજન 30-40 કિલો જેટલું હોવાથી સર્જરી અતિશય કઠીન બની રહે છે.
  • સામાન્ય સર્જરી દરમિયાન કાર્બન ડાયોક્સાઈડનું પ્રેશર 10-12 જેટલું જરૂરી હોય, જ્યારે આવી સર્જરી માટે 20થી 25 જેટલું પ્રેશર જરૂરી બને છે.
  • દર્દીના હાથ પગનું વજન ઘણું વધારે હોવાથી ઓપરેશન દરમિયાન હાથપગના હલનચલન કરાવવામાં પડતી તકલીફો
  • ઓપરેશન બાદ દર્દીને શિફ્ટિંગ કરવામાં, IV ફ્લુઇડ આપવામાં, કસરતો કરાવવામાં પડતી મુશ્કેલીઓ
  • સામાન્ય ઓપરેશન કરતા બમણા સ્ટાફની ઓપરેશન દરમિયાન અને ઓપરેશન બાદ દેખરેખ અને કસરત માટે જરૂરિયાત
  • દર્દી માટે અલગથી સ્ટ્રેચર, ટ્રોલી વગેરેની વ્યવસ્થા કરવી પડે છે.
  • ઓપરેશન દરમિયાન દર્દીની શારીરિક ગતિવિધિઓનું સતત બારિકાઇપૂર્વક નિરીક્ષણ કરતા રહેવું પડે છે.

ઓબેસિટી બેરિયાટ્રિક સર્જરીથી દર્દીને થતાં ફાયદાઓ

  • સતત વજનમાં થઈ રહેલા વધારાથી મુક્તિ મળે છે.
  • હાર્ટ એટેક અને હાયપટેન્શન જેવી જીવલેણ બીમારીઓની શક્યતાઓ નહિવત્ થઈ જાય.
  • હલનચલન અને રોજિંદી ક્રિયાઓ કરવામાં સરળતા રહે
  • સાંધાનો ઘસારો ઘટી જાય, જેથી દર્દીને ઉઠવા બેસવામાં અને અન્ય ક્રિયાઓમાં સુલભતા રહે
  • જીવનું જોખમ ટળે.
અન્ય સમાચારો પણ છે...