દુખદ:અમદાવાદમાં ફતેવાડી કેનાલ નજીક સ્ટાર રેસિડેન્સી નજીક AMCની ડોર ટુ ડોર ગાડી ચાલકે 10 વર્ષની બાળકીને અડફેટે લીધી, સારવાર દરમિયાન મોત

ફતેવાડી કેનાલ પાસે આવેલી સ્ટાર રેસિડેન્સી નજીક મ્યુનિસિપલ કોર્પોરેશનના ડોર ટુ ડોર ગાડી ચાલકે 10 વર્ષની બાળકીને અડફેટે લીધી હતી. ત્યારબાદ તાત્કાલિક ગંભીર રીતે ઇજાગ્રસ્ત થયેલી બાળકીને વીએસ હોસ્પિટલમાં સારવાર અર્થે ખસેડવામાં આવી હતી. ત્યારે બાળકીનું સારવાર દરમિયાન જ મોત નીપજ્યું હતું. આ મામલે પ્રત્યક્ષદર્શીએ આરોપ લગાવતા જણાવ્યું હતું કે, ગાડી ચાલક દારૂ પીધેલી હાલતમાં હતો. ત્યારે બાળકીના પરિવારજનોએ તંત્ર સામે રોષ ઠાલવતા આરોપી ડ્રાઇવર સામે કડક કાર્યવાહી કરવાની માગ કરી છે. બાળકીના મોતને કારણે પરિવારમાં ઉદાસીનો માહોલ છવાઈ ગયો હતો.