કાર્યવાહી:16 પ્રોપર્ટી ટેક્સ ડિફોલ્ટરની મિલકત મ્યુનિ.એ સીલ કરી, BSNLની સેટેલાઈટ ઓફિસનો સમાવેશ, 16માંથી 9 મિલકત ગોતાની હરિસિદ્ધિ એસ્ટેટની

સેટલાઇટ વિસ્તારમાં આવેલી બીએસએનએલની કચેરી સહિત ગોતા અને થલતેજની 16 મિલકતોને બાકી પ્રોપર્ટી ટેક્સના મામલે મ્યુનિ.એ સીલ કરી છે. આ મિલકતો પાસે મ્યુનિ.ને 3 લાખથી 14 લાખ સુધી ટેક્સની લેણી રકમ નીકળે છે. કુલ 1 કરોડથી વધારેની લેણી રકમ બાકી નીકળે છે. સીલ કરાયેલી 16માંથી 9 મિલકત ગોતાના હરિસિદ્ધિ એસ્ટેટની છે.

મ્યુનિ. તેમજ રાજ્ય સરકાર દ્વારા પ્રોપર્ટી ટેક્સાં અપાયેલી રિબેટની યજના બાદ પણ જે મિલકતધારકોનો લાખોનો વેરો બાકી હોય તેવા ડીફોલ્ટરો સામે મ્યુનિ.એ કાર્યવાહી હાથ ધરી છે. 16 મિલકતોને મ્યુનિ.એ સોમવારે સીલ કરી દીધી છે. આ વિસ્તારમાં પ્રોપર્ટી ટેક્સમાં અખાડા કરતાં ડીફોલ્ટરોના નળ- ગટરના કનેકશન પણ કપાશે.

AMC નળ કનેક્શન કાપશે
મ્યુનિસિપલ કોર્પોરેશન દ્વારા પ્રોપર્ટી ટેક્સ ના ભરનાર ડિફોલ્ટરોની સંપત્તિ ટેક્સ વિભાગે સીલ કરવામાં આવી છે. આ ઉપરાંત તેમને નોટીસ પણ આપવામાં આવી છે. ટેક્સ વિભાગની નોટિસમાં જણાવવામાં આવ્યુ છે કે, જો ડિફોલ્ટરો દ્વારા નોટિસને ગંભીરતાથી લેવામાં નહીં આવે તો તેમના પાણીના નળ કનેક્શન કાપવા સુધીની કાર્યવાહી કરવામાં આવશે.

ટેક્સ ડિફોલ્ટર્સ સામે દરેક ઝોનમાં ઝુંબેશ શરૂ થશે
કોર્પોરેશન આ ઉપરાંત મિલકત ટાંચમાં લઈને હરાજી કરવામાં આવશે. મિલકત ધારકોને તાત્કાલિક ટેક્સ ભરવા માટેની તાકીદ કરવામાં આવી છે. કોર્પોરેશન દ્વારા આવનારા દિવસમાં ટેક્સ ડિફોલ્ટરો સામે દરેક ઝોનમાં સઘન ઝુંબેશ શરૂ કરવામાં આવશે.

ગોતાની આ 9 મિલકતને સીલ મરાયું

​​​​​​​નોંધ : ટેક્સની રકમ લાખમાં છે.