જોડાણ:ડિઝાઈનમાં આશ્ચર્યજનક અનુભવો અને જોડાણ જરૂરી, અમદાવાદ ડિઝાઈન વીકમાં એક્સપર્ટ ટૉક

ગેમ્સ હોય કે કોઈ ટૉયઝની ડીઝાઈન જેમાં લોકોને આશ્ચર્યજનક અનુભવો થવા જોઈએ અને તેની સાથે ભાવનાત્મક જોડાણ હોવું જોઈએ. ઉપરોક્ત વાત ડિઝાઈન અને ઈનોવેશનના એક્સપર્ટ જારેડ વાડેએ કહી હતી. અમદાવાદ ડીઝાઈન વીકમાં જુદા-જુદા એક્સપર્ટની ટૉક યોજાઈ હતી. જેમાં તેમણે મોનોપોલી અને જીઆઈ જૉ જેવી ગેમ્સ કેવી રીતે બની તેની વાત કરી હતી.

જેમાં તેમને વધુમાં કહ્યું કે, વાર્તા ફક્ત કન્ટેન્ટ દ્વારા જ નથી કહી શકાતી પરંતુ ડીઝાઇનરો તરીકે આપણી પણ એ જવાબદારી બને છે કે આપણી ડિઝાઈન કંઈક કહેતી હોવી જોઈએ. તેમાં કોઈ મેસેજ હોવો જોઈએ. ટૉયની મૂળ ડીઝાઇનમાંથી પણ વાર્તા જન્મ લે છે. અન્ય એક્સપર્ટ અને ડિઝાઇનર હરાલ્ડ બેલ્કરે કહ્યું કે, ડીઝાઇન અંગેનો વિચારો રાતોરાત આવતાં નથી. જેના માટે થિંકીંગ અને અનુભવ પણ જરૂરી છે. આપણે જો યોગ્ય સમયે ડિઝાઈન વિશે કંઇક ના વિચારીએ તો કોઇપણ ડીઝાઇન સમયની સાથે કામ નથી આવતી. ડીઝાઇનરે હંમેશા સંપૂર્ણપણે નવી પ્રોડક્ટ બનાવવાની હોતી નથી.