ગુજરાતમાં મૂડીરોકાણ:સિંગાપોર-મોરેશિયસની કુલ વસતી અમદાવાદથી ઓછી છતાં દેશમાં આવતી FDIમાં હિસ્સો 43%થી પણ વધારે!

અમદાવાદએક મહિનો પહેલા
  • કૉપી લિંક
  • ગુજરાતમાં વર્ષ 2020-21માં 1.62 લાખ કરોડ FDIની સામે 2021-22માં માત્ર 20 હજાર કરોડ જ!
  • દેશમાં વર્ષ 2021-22માં વિદેશી મૂડીરોકાણ 4.37 લાખ કરોડ

ગુજરાત માટે વિતેલું નાણાકીય વર્ષ 2021-22 વિદેશી મૂડીરોકાણ બાબતે સારું નથી રહ્યું. ગુજરાતમાં વર્ષ 2020-21માં 1.62 લાખ કરોડ FDIની સામે વર્ષ 2021-22માં માત્ર 20 હજાર કરોડ જ વિદેશી મૂડીરોકાણ આવ્યું છે. ગત જાન્યુઆરીથી માર્ચ મહિનાના ક્વાર્ટરમાં 5 હજાર કરોડ રોકાણ આવ્યું છે.

આ સમયગાળામાં મહારાષ્ટ્રમાં 43 હજાર કરોડ અને કર્ણાટકમાં 63 હજાર કરોડ રોકાણ આવ્યું છે. વર્ષ 2021-22માં 1.63 લાખ કરોડ સાથે કર્ણાટક પહેલા ક્રમે જ્યારે મહારાષ્ટ્ર 1.14 લાખ કરોડ રોકાણ આવ્યું છે. વર્ષ 2020-21માં ગુજરાત પહેલા નંબરે હતું, જે 2021-22માં 6ઠ્ઠા ક્રમે ધકેલાઇ ગયું છે. સમગ્ર દેશમાં વર્ષ 2021-22માં વિદેશી મૂડીરોકાણ 4.37 લાખ કરોડ છે જેમાંથી 1.88 લાખ કરોડ રોકાણ માત્ર બે નાના દેશો સિંગાપોર અને મોરેશિયસમાંથી આવ્યું છે. સિંગાપોરમાંથી 1.18 લાખ કરોડ રોકાણ આવ્યું છે.

સિંગાપોરની વસતી અંદાજે 60 લાખ જ્યારે મોરેસિયસની વસતી અદાજે 13 લાખ છે. અમદાવાદ શહેરની વસતી અંદાજે 80 લાખ છે. એટલે કે બન્ને દેશોની મળીને કુલ વસતી કરતાં પણ અમદાવાદ શહેરની વસતી વધારે છે. ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (DPIIT)ના તાજેતરના રિપોર્ટમાં આ વિગતો બહાર આવી છે.

નાના દેશોની ભારતમાં મોટી છલાંગ

દેશ2020-212021-22
સિંગાપોર1.29 લાખ1.18 લાખ
મોરેશિયસ4166169945
અમેરિકા1.02 લાખ78527
નેધરલેન્ડ20,83034442
જાપાન14,44111187
યુ.કે.20431647
કુલ4.42 લાખ4.37 લાખ

2021-22માં મહારાષ્ટ્ર, કર્ણાટકે બાજી મારી વર્ષ 2020-21માં ગુજરાત પહેલા નંબરે હતું

રાજ્ય2020-212021-22

2022 (જાન્યુ.માર્ચ)

મહારાષ્ટ્ર1.19 લાખ1.14 લાખ43 હજાર
કર્ણાટક568841.63 લાખ63 હજાર
ગુજરાત1.62 લાખ201695 હજાર
દિલ્હી40,4646083913 હજાર
તમિલનાડુ17,208223965 હજાર
હરિયાણા12559209715 હજાર

ભારત દ્વારા ઘણા દેશ સાથે ડબલ ટેક્સેશન અવોઇડન્સ એગ્રીમેન્ટ્સ

વિદેશી મૂડીરોકાણ બાબતે કાયમ પ્રશ્ન ચર્ચાતો રહ્યો છે કે સાવ નાનકડા દેશો એવા સિંગાપોર તેમજ મોરેશિયસમાંથી ભારત દેશમાં વિદેશી મૂડીરોકાણ સૌથી વધારે હોય છે ? કેટલાક નિષ્ણાતોના મતે, આ બન્ને દેશો ટેક્સ હેવન તરીકે જાણીતા છે. એક અહેવાલ અનુસાર, ભારતમાં આવતું મોટાભાગનું વિદેશી મૂડીરોકાણ અન્ય દેશોમાંથી આ બન્ને દેશોમાંથી કોઇ એક મારફતે રૂટ થઇ ને આવે છે. આ બાબતે સવાલો પણ ઉઠતા રહે છે કે, ભારત દ્વારા ઘણા દેશો સાથે ડબલ ટેક્સેશન અવોઇડન્સ એગ્રીમેન્ટ્સ કરવામાં આવ્યા છે. જેનો કેટલાક રોકાણકારો દ્વારા ટેક્સ બચાવવા ગેરલાભ પણ ઉઠાવવામાં આવે છે. જેથી 1.88 લાખ કરોડ રોકાણ માત્ર બે નાના દેશો સિંગાપોર અને મોરેશિયસમાંથી આવ્યું છે.

અન્ય સમાચારો પણ છે...