તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

શ્રાવણમાં સેવા યજ્ઞ:અમદાવાદી યુવાને સગર્ભા મહિલાઓને પોષણક્ષમ આહારની કીટનું વિતરણ કર્યું, અગાઉ કોરોનાકાળમાં બંને કાર સેવામાં આપી હતી

અમદાવાદએક મહિનો પહેલા
  • કૉપી લિંક
કીટ સ્વીકારતા સગર્ભા મહિલા સાથે પ્રવિણસિંહ પરમારની તસવીર - Divya Bhaskar
કીટ સ્વીકારતા સગર્ભા મહિલા સાથે પ્રવિણસિંહ પરમારની તસવીર
  • 250થી સગર્ભાઓને સીંગ, ચણા, મગ, ખજૂર, ગોળ અને બિસ્કિટ સહિતની સામગ્રીઓનું વિતરણ
  • અબર્ન હેલ્થ સેન્ટર પર ચેકઅપ માટે આવતી સગર્ભાઓનું લિસ્ટ લઈ કીટની વ્યવસ્થા કરી
  • કોરોનાકાળમાં પોતાની બે કારને એમ્બ્યુલન્સ અને શબવાહીનીમાં ફેરવી નાખી હતી

શ્રાવણ માસ નિમિતે અમદાવાદી યુવાન અનોખી સેવા આપી રહ્યો છે. સગર્ભા મહિલાઓને પોષણક્ષમ આહાર મળી રહે તે હેતુથી કીટ આપવાનો સરાહનીય કાર્ય આજથી નરોડા અર્બન હેલ્થ સેન્ટરથી શરૂ કરવામાં આવ્યુ છે. સગર્ભા મહિલાઓ સમયાંતરે ચેકઅપ માટે અબર્ન હેલ્થ સેન્ટર પર આવતી હોય છે. ત્યારે આવી મહિલાઓ અંગેની વિગત પ્રવિણસિંહ પરમારે એકઠી કરી અને બાદમાં શ્રાવણ માસની શરૂઆતમાં આવી જરૂરિયાત મંદ મહિલાઓને બોલાવી આહાર કીટ આપવામાં આવી.

કોરોનાકાળમાં કારને એમ્બ્યુલન્સ અને અંતિમયાત્રા વાનમાં ફેરવી
કોરોનાકાળમાં પોતાની બંને કારને એમ્બ્યુલન્સ અને અંતિમયાત્રા વાનમાં ફેરવવાની હિંમત દાખવનાર પ્રવિણસિંહ પરમાર ઉર્ફે બોડા દરબાર સેવાકીય પ્રવૃત્તિમાં હંમેશા આગળ રહ્યા છે. હવે તેઓએ પોતાના શક્તિ ગ્રુપ દ્વારા જરૂરિયાતમંદ સગર્ભા મહિલાઓ માટે સેવા કાર્ય શરૂ કર્યું છે.

250 જેટલી મહિલાઓને કીટનું વિતરણ કરાયું
250 જેટલી મહિલાઓને કીટનું વિતરણ કરાયું

સગર્ભા મહિલાને જોઈને સેવાનો વિચાર આવ્યો
શક્તિ ગ્રુપને આ કાર્ય કરવા પ્રેરણા ક્યાંથી મળી તે અંગે પૂછતાં પ્રવીણ સિંહ પરમારે કહ્યું કે, અમારી ઓફિસ પાસેથી એક મહિલા ચાલી ન શક્તા વિરામ કરવા બેઠા હતા. તેમને પૂછતાં પાણી માંગ્યું અને ઘરે મુકી જવાનું આશ્વાસન આપ્યું. અને ઘરમાં જોતા જરૂરિયાતી સગર્ભા લાગી હતી. જેને પગલે પ્રાથમિક તબક્કે આર્થિક સહાય કરી. બાદમાં શક્તિ ગ્રુપે આવી સગર્ભા અને જરૂરિયાતમંદ મહિલાઓની સેવા કરવાનું મન બનાવ્યું.

સીંગ, ચણા, મગ, ખજૂર, ગોળ અને બિસ્કિટ સહિતની સામગ્રીઓનું વિતરણ
સીંગ, ચણા, મગ, ખજૂર, ગોળ અને બિસ્કિટ સહિતની સામગ્રીઓનું વિતરણ

250થી વધુ સગર્ભાઓને કીટ અપાઈ
250થી વધુ મહિલાઓને સીંગ, ચણા, મગ, ખજૂર, ગોળ અને બિસ્કિટ સહિતની સામગ્રીઓનું અર્બન હેલ્થ સેન્ટર ખાતે વિતરણ કરવામાં આવ્યું. આ પ્રસંગે નરોડા અર્બન હેલ્થ સેન્ટરના ડોકટર, સ્થાનિક કોર્પોરેટરો પણ હાજરી આપી સેવાકીય પ્રવૃત્તિ ચાલુ રાખવા આશીર્વાદ આપ્યા.