તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ઓનલાઈન ચીટિંગ:અમદાવાદી મહિલાને ફોન પે પર એક રૂપિયાનું ટ્રાન્જેક્શન કરવાનું કહી રૂ.95 હજાર પડાવી લીધા

અમદાવાદએક મહિનો પહેલા
  • કૉપી લિંક
પ્રતિકાત્મક તસવીર. - Divya Bhaskar
પ્રતિકાત્મક તસવીર.

અમદાવાદના થલતેજમાં રહેતી મહિલાને એક રૂપિયાનું ટ્રાન્જેક્શન કરવાનું કહી રૂ.95 હજાર પડાવી લીધા હોવાનો કિસ્સો સામે આવ્યો છે. શકુંતલા ચૌધરી નામની મહિલાએ અર્બન કંપનીના કાર્ડથી માથામાં મહેંદી મુકનારને ઘરે બોલવાવા ગૂગલ પરથી કસ્ટમરકેરમાં ફોન કર્યો. જેમાં સામેના વ્યક્તિએ એક રૂપિયાનું ઓનલાઈન ટ્રાન્જેક્શન કરાવ્યા બાદ અચાનક મહિલાના એકાઉન્ટમાંથી રૂ.95 હજાર ઉપાડીને મહિલા સાથે ઠગાઈ કરી હતી. આ મામલે મહિલાએ સોલા હાઈકોર્ટ પોલીસ સ્ટેશનમાં ફરિયાદ નોંધાવતા પોલીસે ગુનો દાખલ કરી તપાસ હાથધરી છે.

ANYDESK એપ ડાઉનલોડ કરાવી
આ અંગે પ્રાપ્ત વિગતો અનુસાર થલતેજના સુપ્રભાત એપાર્ટમેન્ટમાં રહેતા શકુંતલા ચૌધરી દેવ ઈન્ફોર્મેશન ટેકનોલોજી નામની કંપનીમાં ઓટોમેશન એન્જિનિયર તરીકે નોકરી કરે છે. રવિવારના રોજ શકુંતલાબહેન ઘરે હાજર હતા ત્યારે બે મહિના પહેલા ઈસ્કોન રિલાયન્સ મોલમાંથી લોરિયલ કંપનીની માથાની ડાઈ ખરીદી હતી. જેમાં અર્બન કંપનીનું કાર્ડ હતું. જે કાર્ડના આધારે કંપનીના માણસો ઘરે આવી ડાઈ કરી જાય છે, જેથી શકુંતલાબહેને કંપનીના કસ્ટમરકેર પર વાત કરવા ગૂગલ પરથી નંબર મેળવી ફોન કર્યો હતો.

આ દરમિયાન સામા પક્ષેથી શકુંતલાબહેનને જણાવ્યું હતું કે, તમે કંપનીના નિયમ મુજબ એક વખત ખરીદી કરી શકો છો, હવે ખરીદી કરવી હોય તો ANYDESK નામની એપ્લિકેશન ડાઉનલોડ કરવી પડશે.

મેસેજ ફોરવર્ડ કર્યા ને ખાતામાંથી 95 હજાર ઉપડી ગયા
જેથી શકુંતલાબહેને તે એપ્લિકેશન ડાઉનલોડ કરી બાદમાં તે વ્યક્તિએ ફોન કરી જણાવ્યું હતું કે, તમારે ફોન પેથી રૂ.1નું ટ્રાન્જેક્શન કરવું પડશે અને તેમ કહીને ટ્રાન્જેક્શન માટે આઈડી આપી હતી. ત્યારબાદ શકુંતલાબહેને રૂ.1નું ટ્રાન્જેક્શન કર્યું હતું. પરંતુ ટ્રાન્જેક્શન થયું ન હતું. જેથી ફોન પર તેમને જણાવ્યું હતું કે, ડેબિટકાર્ડ નંબર તથા તેની એક્સપાયરી ડેટ તથા પિન નંબર નાંખો એટલે એક રૂપિયાનું ટ્રાન્જેક્શન થશે. જેથી શકુંતલાબહેને તે જ પ્રમાણે કર્યું તેમછતાં ટ્રાન્જેક્શન ન થતાં તેમણે જે નંબર પરથી ફોન આવ્યો હતો, તે નંબર પર ફરી ફોન કરી જાણ કરતા સામે રહેલા શખ્સે બે મોબાઈલ નંબર આપ્યા હતા. જે મેસેજ આ નંબર પર ફોરવર્ડ કરી દેજો તેમ જણાવ્યું હતું.

ત્યારબાદ શકુંતલાબહેને તે મેસેજ તે નંબર પર ફોરવર્ડ કર્યા એના થોડા જ સમયમાં અલગ અલગ ટ્રાન્જેક્શન થઈને તેમના એકાઉન્ટમાંથી રૂ.95 હજાર ઉપડી જતા તેમની સાથે ઠગાઈ અને વિશ્વાસઘાત થયો હોવાની જાણ થતા તેમણે સોલા હાઈકોર્ટ પોલીસ સ્ટેશનમાં ફરિયાદ નોંધાવતા પોલીસે ગુનો દાખલ કરી તપાસ હાથધરી છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- અધ્યાત્મિક ગતિવિધિઓમાં સમય પસાર થશે. જેથી તમારી વિચારશૈલીમાં નવીનતા આવશે. અન્યની મદદ કરવાથી આત્મિક સુખ મળી શકે છે. વ્યક્તિગત કાર્ય પણ શાંતિથી ઉકેલાઇ જશે. નેગેટિવઃ- કોઇ નજીકના સંબંધી સાથે ...

    વધુ વાંચો