કોરોના વોરિયર:2 હજાર સિનિયર સિટીઝનને પોલીસ એપથી સંપર્ક કરીને મદદ પહોંચાડે છે

શહેરમાં એકલા રહેતા સિનિયર સિટીઝન માટે શહેર પોલીસે એક એનજીઓ સાથે મળીને એક એપ બનાવી છે, જેમાં અત્યાર સુધીમાં 2 હજાર જેટલા સિનિયર સિટીઝનનો સમાવેશ કરાયો છે. આ એપથી વડીલો પોતાની જરૂરિયાત અંગે તાત્કાલિક મદદ મેળવી શકે છે. આ અંગે જાણકારી આપતા શહેર પોલીસ કમિશનર આશિષ ભાટિયાએ જણાવ્યું હતું કે, શહેરના સિનિયર સિટીઝનને દવા કે કોઈ વસ્તુ જોઈતી હોય તો તે માટે પોલીસની શી ટીમ મુલાકાત લેતી હોય છે. આ ઉપરાં ક્વોરન્ટીન કરાયેલા પોલીસને પણ આ એપમાં આવરી લેવાશે. એક એનજીઓની મદદથી એપ બનાવી છે. તમામ પોલીસ સ્ટેશનમાં શી ટીમ બનાવાઈ છે, જેમાં મોટાભાગે મહિલા પોલીસ કર્મચરીઓનો સમાવેશ થાય છે. આ શી તેમની કામગીરીમાં સિનિયર સિટીઝનની મુલાકાત લઈ તેમને મદદ કરવામાં આવે છે.