કુદરતી આફત:અમદાવાદ શહેરમાં 23 વર્ષ પછી વાવાઝોડું, મેમાં ઈતિહાસનો સૌથી વધુ 6 ઇંચ વરસાદ, 40થી 80 કિમીની પ્રચંડ ઝડપે પવન ફૂંકાયો

અમદાવાદએક વર્ષ પહેલાલેખક: સંતોષ કુમાર
  • કૉપી લિંક
વરસાદને કારણે જશોદાનગર પાસેથી પસાર થતાં રોડ પર પાણી ભરાયા હતા. શહેરના અનેક વિસ્તારોમાં આ પ્રકારની સ્થિતિ જોવા મળી હતી. - Divya Bhaskar
વરસાદને કારણે જશોદાનગર પાસેથી પસાર થતાં રોડ પર પાણી ભરાયા હતા. શહેરના અનેક વિસ્તારોમાં આ પ્રકારની સ્થિતિ જોવા મળી હતી.
  • અગાઉ 1998માં એક વાવાઝોડું અમદાવાદ નજીકથી પસાર થયું હતું
  • મેમાં 5.5 ઈંચ વરસાદનો 39 વર્ષ જૂનો રેકોર્ડ તૂટ્યો
  • સાંજે 5થી 7માં સૌથી વધુ 51થી 80 કિમીની ઝડપે પવન ફૂંકાયો હતો
  • ભારે વરસાદથી 15 મકાન પડ્યાં, 3 સ્થળે રોડ બેસી ગયા
  • આજે બપોર પછી ઉઘાડ નીકળવાની શક્યતા છે

લગભગ 23 વર્ષના લાંબા ગાળા પછી ‘તાઉતે’ વાવાઝોડું અમદાવાદને સ્પર્શીને પસાર થયું છે. વાવાઝોડાની અસરથી શહેરમાં મેમાં ઈતિહાસનો સૌથી વધુ 142 મિમી (અંદાજે 6 ઈંચ) વરસાદ થયો હતો. પવનની ગતિ પણ કલાકના 40થી 80 કિલોમીટર સુધીની રહી હતી. અગાઉ 1998માં લક્ષદ્વીપથી ઉદભવેલું વાવાઝોડું અમદાવાદ નજીકથી પસાર થયું હતું. વાવાઝોડું પસાર થતાં બુધવારથી એની અસરો ઘટશે અને બપોર પછી ઉઘાડ નીકળવાની શક્યતા છે.

પવનને કારણે કાંકરિયાના હિલિયમ બલૂનમાં પંચર પડ્યું હતું. કોરોનાને કારણે આ નવું લવાયેલો બલૂન હજી સુધી ઉપયોગમાં લેવાયો ન હતો.
પવનને કારણે કાંકરિયાના હિલિયમ બલૂનમાં પંચર પડ્યું હતું. કોરોનાને કારણે આ નવું લવાયેલો બલૂન હજી સુધી ઉપયોગમાં લેવાયો ન હતો.

શહેરમાં સાંજે 5થી 7ના ગાળા દરમિયાન સૌથી વધુ ઝડપી પવન ફૂંકાયો હતો. આ ઉપરાંત દિવસભર ઝાપટાં ચાલુ રહ્યાં હતાં. વરસાદને પગલે વાસણા બેરેજ ખાતે લેવલ ઘટાડાયું હતું. ગેટ નં.20 ફૂટ, ગેટ નં.23 1.6 ફૂટ, ગેટ નં.26, 27, 28, 30 ત્રણ ફૂટ ખોલવામાં આવ્યા હતા. પવન અને વરસાદથી 15 મકાન તૂટી પડ્યાં હતાં.

મણિનગરમાં ભારે પવનથી રસ્તાની બાજુનાં ઝાડ એક પછી એક પડવા લાગ્યાં હતાં. કુબેરનગરના પ્રબોધનગરમાં 32 વર્ષ જૂનું વૃક્ષ પણ ધરાશાયી થઈ ગયું હતું.
મણિનગરમાં ભારે પવનથી રસ્તાની બાજુનાં ઝાડ એક પછી એક પડવા લાગ્યાં હતાં. કુબેરનગરના પ્રબોધનગરમાં 32 વર્ષ જૂનું વૃક્ષ પણ ધરાશાયી થઈ ગયું હતું.

છેલ્લાં 10 વર્ષમાં શહેરમાં મે મહિનામાં પા ઈંચ વરસાદ પણ થયો ન હતો

વર્ષવરસાદ (મિમી)
1982138.3
20110
2012છાંટા
20130
20140.4
20156.7
20161
20172.2
20180
20190
20200
2021102

ઝોન પ્રમાણે વરસાદ

ઝોનવરસાદ ઈંચમાં
મધ્ય12
ઉ. પશ્ચિમ6
દક્ષિણ-પશ્ચિમ5.5
પૂર્વ5.7
પશ્ચિમ5.7
દક્ષિણ4.5
ઉત્તર4.5
વટવા યાર્ડમાં અમદાવાદ-વટવા વચ્ચે બનેલી ત્રીજી લાઇનની ટ્રેક નીચેની માટી, કપચી વરસાદના પાણીમાં ધોવાઈ ગયા હતા.
વટવા યાર્ડમાં અમદાવાદ-વટવા વચ્ચે બનેલી ત્રીજી લાઇનની ટ્રેક નીચેની માટી, કપચી વરસાદના પાણીમાં ધોવાઈ ગયા હતા.

આ વાવાઝોડું શહેર નજીક હતું

  • 1920માં 6 જૂને સાઇક્લોન સક્રિય થયું હતું, અને 14 જૂને અમદાવાદની ઘણી નજીકથી પસાર થયું હતું.
  • 1975ના ઓકટોબરમાં, મોઢેરા-મહેસાણા આસપાસથી ક્રોસ કર્યું હતું.
  • એપ્રિલ 1976નાં અંતમાં ભાવનગર તળાજાથી સાયક્લોન 45 કિ.મી. દૂર મહેમદાવાદ થઇને અમદાવાદ નજીક ડીપ ડિપ્રેશન બન્યું હતું.
  • નવેમ્બર 1982નું સાઇક્લોન દીવની આસપાસ લેન્ડ થયું હતું, ખંભાતના અખાતથી ભરૂચથી થઇને નબળું પડી ગયું હતું.
  • 18 જૂન 1996નું સાયક્લોન મુંબઇ પશ્ચિમમાં બનીને 19 જુને વિરમગામથી ડિપ્રેશન તરીકે પસાર થયું હતું.
  • 1998માં 4 જૂને લક્ષદ્વીપમાં સક્રીય થયેલું વાવાઝોડું અમદાવાદથી 190 કિલોમીટર દૂર આવેલા ઉત્તર ગુજરાતનાં રાધનપુરમાંથી પસાર થયું હતું. ‘તાઉતે’ કરતાં આ સાઇક્લોન વધુ મજબૂત હોવાથી એણે ઘણો વિનાશ વેર્યો હતો.

70 વિસ્તારમાં પાણી ભરાયાં, અનેક ઘરમાં પાણી ફરી વળ્યાં
શહેરમાં 6 ઇંચ વરસાદ ખાબકતાં 70 વિસ્તારમાં પાણી ભરાયા હતા. તમામ વિસ્તારમાં પ્રિમોન્સૂન કામગીરી કરી હોવાથી એક કલાકમાં જ પાણી ઊતરી ગયાં હતાં. વટવામાં લક્ષ્મી તળાવામાં પાણી છલોછલ ભરાતાં ત્યાં પણ વરુણ ગોઠવીને પાણી ઉલેચાયું હતું. ગોતા, નારણપુરા, વેજલપુર, દાણીલીમડા, વિરાટનગર, નરોડા, નિકોલ સહિતના વિસ્તારમાં ભારે વરસાદને કારણે પાણી ભરાયાં હતાં.

ગીતાબેન રાંભિયા ટ્રસ્ટ દ્વારા સમડીનાં સાત બચ્ચાં અને સંખ્યાબંધ ઇજાગ્રસ્ત કબૂતરોને બચાવાયાં હતાં.
ગીતાબેન રાંભિયા ટ્રસ્ટ દ્વારા સમડીનાં સાત બચ્ચાં અને સંખ્યાબંધ ઇજાગ્રસ્ત કબૂતરોને બચાવાયાં હતાં.

​​​​​​​તાપમાન 9.4 ડીગ્રી ગગડ્યું
પવન અને વરસાદને લીધે શહેરનું મહત્તમ તાપમાન 9.4 ડીગ્રી ગગડીને 25.8 ડીગ્રી થઈ ગયું હતું.

આંબેડકરબ્રિજ પાસે બનાવેલી સી-પ્લેનની ઓફિસનાં પતરાં ઊડી ગયાં હતાં.
આંબેડકરબ્રિજ પાસે બનાવેલી સી-પ્લેનની ઓફિસનાં પતરાં ઊડી ગયાં હતાં.
અન્ય સમાચારો પણ છે...