ભાજપમાં કોરોના વિસ્ફોટ:CMના સંપર્કમાં આવેલા જશવંતસિંહ ભાભોરનો કોરોના રિપોર્ટ પોઝિટિવ પણ નીતિનભાઈ નેગેટિવ

સોમવારે રાજ્યના મુખ્યમંત્રી વિજય રૂપાણીનો રિપોર્ટ કોરોના પોઝિટિવ આવતા પાર્લામેન્ટરી બોર્ડના અન્ય સભ્યોના પણ કોરોના ટેસ્ટ થયા હતા. જેમા નાયબ મુખ્યમંત્રી નીતિન પટેલનો રિપોર્ટ નેગેટિવ આવ્યો છે. જ્યારે બોર્ડના ચોથા સભ્ય તેમજ પૂર્વ કેન્દ્રીય મંત્રી જશવંતસિંહ ભાભાર કોરોના પોઝિટિવ થયા છે.

આ ઉપરાંત 15 ફેબ્રુઆરીએ સંગઠનમંત્રી ભીખુ દલસાણિયા અને કચ્છના સાંસદ વિનોદ ચાવડા પણ કોરોનાગ્રસ્ત થયા હતા. તેમજ સાંજે મુખ્યમંત્રીના PA શૈલેષ માંડલિયાનો કોરોના રિપોર્ટ પણ પોઝિટિવ આવ્યો હતો. તેમને પણ યુ.એન.મહેતા હોસ્પિટલમાં દાખલ કરવામાં આવ્યા છે.

પાર્લામેન્ટરી બોર્ડના તમામ સભ્યોના ટેસ્ટ થશે: નીતિન પટેલ
મુખ્યમંત્રીના સ્વાસ્થ્ય વિશે જણાવતાં નાયબ મુખ્યમંત્રી નીતિન પટેલે જણાવ્યું હતું કે રાત્રે જ તેમના ટેસ્ટ કરવાનો નિર્ણય કર્યો હતો. ગઈકાલે તેમના ટેસ્ટ નોર્મલ હતા. હાલમાં તેમની તબિયત સારી છે. સ્પેશિયલ વોર્ડમાં કોરોનાની સારવાર શરૂ કરી દેવાઈ છે અને એક અઠવાડિયું હોસ્પિટલમાં રહેશે. મુખ્યમંત્રીને ડાયાબીટિસ કે બીપીની કોઈ તકલીફ નથી. સ્થાનિક સ્વરાજની ચૂંટણીને પગલે ભાજપની પાર્લમેન્ટરી બોર્ડની બેઠક મળી હતી. આ બેઠકમાં મુખ્યમંત્રી સાથે હાજર રહેલા ભીખુ દલસાણિયા અને વિનોદ ચાવડા પણ સંક્રમિત થયા છે, જેને પગલે પાર્લામેન્ટરી બોર્ડના તમામ સભ્યોના પણ ટેસ્ટ કરવામાં આવશે.

6 મહિના પહેલાં સંક્રમિત થયેલા ધારાસભ્યો અને મંત્રી

6 મહિના પહેલાં સંક્રમિત થયેલા સંગઠનના હોદ્દેદારો