કોરોનાવાઈરસ:અમદાવાદ શહેર બાદ બોપલ અને ઘુમામાં પણ માત્ર દૂધ અને દવાની દુકાન જ ચાલુ રહશે

કોરોનાનો કહેર અમદાવાદમાં વધતો અટકાવવા આજે ડો. રાજીવકુમાર અને મ્યુનિસિપલ કમિશનરની અધ્યક્ષતામાં મળેલી બેઠકમાં 17 મે સુધી અમદાવાદ શહેરના કોર્પોરેશનના વિસ્તારમાં માત્ર દૂધ અને દવાની જ દુકાનો ચાલુ રાખવાનો નિર્ણય લેવામાં આવ્યો હતો. રેડ ઝોનમાં રહેલા અમદાવાદના કોર્પોરેશનના આ નિર્ણય બાદ જિલ્લાની હદમાં આવતા બોપલ ઘુમા નગરપાલિકા દ્વારા બોપલ- ઘુમા વિસ્તારમાં પણ તમામ કરીયાણા, શાકભાજી અને ફળોની દુકાનો બંધ કરવાનો અને માત્ર દવાની તેમ દૂધની દુકાનો ચાલુ રાખવાનો નિર્ણય લીધો છે. તેમાં પણ દૂધની દુકાન સવારે 7થી 11 જ ચાલુ રહેશે જ્યારે મેડિકલ સ્ટોર આખો દિવસ ખુલ્લા રહેશે.