• Gujarati News
  • Local
  • Gujarat
  • Ahmedabad
  • After 72 Years, All Three Chariots Of Rathyatra Will Be Replaced, 10 Craftsmen Will Come To Ahmedabad From Jagannath Puri To Make New Chariots.

નગરના નાથને નવું સિંહાસન:72 વર્ષ બાદ રથયાત્રાના ત્રણેય રથ બદલાશે, નવા રથ બનાવવા 10 કારીગરો જગન્નાથ પુરીથી અમદાવાદ આવશે

અમદાવાદ22 દિવસ પહેલા
  • નવા રથ માટે વલસાડ ધરમપુરથી સાગનું લાકડું મંગાવી લેવામાં આવ્યું
  • આવતા વર્ષે ભગવાન નવા રથમાં બિરાજમાન થઈ નગરચર્યાએ નીકળશે

અમદાવાદમાં દર વર્ષે અષાઢી બીજે ભગવાન જગન્નાથ, ભાઈ બલરામ અને બહેન સુભદ્રાજી અલગ અલગ રથમાં સવાર થઈને લોકોને દર્શન આપવા નગરચર્યાએ નીકળે છે. 1950માં બનેલા રથમાં બેસીને ભગવાન નગરચર્યાએ નીકળે છે. આ રથ ખૂબ જ જુના થઈ ગયા હોવાથી આવતા વર્ષે એટલે કે 146મી રથયાત્રામાં ભગવાન નવા રથમાં બેસીને નગરચર્યાએ નીકળશે. નવા રથ બનાવવાની કામગીરી માટે સ્પેશિયલ પુરી 10થી વધુ કારીગરો આવશે અને સ્થાનિક કારીગરોની મદદ લઈને રથ બનાવશે.

જુના રથને મંદિરમાં મ્યુઝિયમ બનશે ત્યાં રાખવામાં આવશે
જુના રથને મંદિરમાં મ્યુઝિયમ બનશે ત્યાં રાખવામાં આવશે

ભગવાન નવા રથ પર બિરાજમાન થઈને નીકળશે
જમાલપુર જગન્નાથ મંદિરના ટ્રસ્ટી મહેન્દ્ર ઝાએ દિવ્ય ભાસ્કર સાથેની વાતચીતમાં જણાવ્યું હતું કે અમદાવાદ શહેરમાં પરંપરાગત રીતે નીકળતી રથયાત્રામાં આવતા વર્ષે એટલે કે 146મી રથયાત્રામાં ભગવાન નવા રથ પર બિરાજમાન થઈને નીકળશે. પરંપરાગત રીતે રથ બનાવવામાં આવ્યા છે તે જ ડિઝાઇન તે જ આકારના નવા રથ બનશે. આ રથ પારંપરિક અને ઐતિહાસિક ધરોહર છે તેને જાળવીને નવા રથ બનાવવામાં આવશે.રથમાં ધાર્મિક દેવી-દેવતાઓની મૂર્તિઓ લગાવવામાં આવશે.

1950માં રથ બનાવવામાં આવ્યાં હતાં, હવે 72 વર્ષ બાદ નવા રથ બનશે
1950માં રથ બનાવવામાં આવ્યાં હતાં, હવે 72 વર્ષ બાદ નવા રથ બનશે

ઐતિહાસિક જુના રથને જાળવવા મંદિરમાં મ્યુઝિયમ બનશે
તેમણે જણાવ્યું હતું કે અમે નવા રથની કામગીરી માટે પુરી ખાતે જે રથના એકસપર્ટ છે તેમને મળ્યા હતા. રથ બનાવવા માટે ત્યાંની તમામ ટીમના સભ્યોને અમે મળ્યા હતા. નવા રથ માટે વલસાડ ધરમપુરથી સાગનું લાકડું મંગાવી લેવામાં આવ્યું છે.રથયાત્રા બાદ નવા રથ બનાવવાની કામગીરી કરવામાં આવશે. સ્પેશિયલ પુરીથી 10થી વધુ કારીગરો બોલાવવામાં આવશે. સ્થાનિક કારીગરો અને લોકોની મદદ પણ અમે લઈશું. ઐતિહાસિક જુના રથને જાળવવા મંદિરમાં મ્યુઝિયમ બનશે તેમાં મુકવામા આવશે.

ભરૂચના કારીગરોએ ભગવાન જગન્નાથના રથ બનાવ્યા હતાં
ભરૂચના કારીગરોએ ભગવાન જગન્નાથના રથ બનાવ્યા હતાં

નવા રથ સાગના લાકડામાંથી બનાવવામાં આવશે
જગન્નાથ મંદિરના મહંત દિલીપદાસજી જણાવ્યું હતું કે હાલમાં જે રથમાં ભગવાન બેસીને નગરચર્યાએ નીકળે છે એ રથ ખૂબ જ જૂના થઈ ગયા છે. જેથી નવા રથ બનાવવા પડે એમ છે. નવા રથની વિશેષતા એ છે કે રથમાં સિંહાસન ઊંચું રાખવામાં આવશે. સિંહાસનમાં થોડો ફેરફાર કરી અને તેને તમામ લોકો દરેક તરફથી દર્શન કરી શકે તેવી રીતે બનાવવામાં આવશે. કૌશલ ખલાસીના જણાવ્યા મુજબ હાલમાં જે રથ છે તે 1950માં બનાવવામાં આવ્યા હતા અને ભરૂચથી ખાસ કારીગરોને બોલાવી અને રથ બનાવી પૂજા કરી અને મંદિરને સોંપવામાં આવ્યા હતા. આ રથને પહેલા નારિયેળીના છોડામાંથી બનાવેલા હતા. અત્યારે રથ સાગના લાકડામાંથી બનાવવામાં આવશે.