અનુભવ અને વફાદારીની ભેટ:2થી લઈને 15 વર્ષ પૂર્વે નિવૃત્ત થયેલા 30 જેટલાં IAS અધિકારીઓ ગુજરાત સરકારની સેવામાં

અમદાવાદ6 મહિનો પહેલા
  • કૉપી લિંક
  • નિવૃત્તિ પછી પણ સરકાર પોતાના માનીતા અધિકારીઓને દૂર કરવા તૈયાર નથી
  • નિવૃત્તિ ટેમ્પરરી,પણ નોકરી કાયમી!
  • 15 વર્ષ અગાઉ નિવૃત્ત થયેલા અધિકારી ગિફ્ટ સિટીના ચેરમેન, MD પણ નિવૃત્ત IAS
  • ગૃહ વિભાગના પૂર્વ અધિક મુખ્ય સચિવને નિવૃત્તિના દિવસે જ નિયુક્તિ મળી ગઇ હતી

નોકરી કરતી દરેક વ્યક્તિને નિવૃત્ત થવું પડતું હોય છે. નિવૃત્તિની ઉંમર પણ નક્કી હોય છે. પણ ઘણા IAS અધિકારીઓ માટે નિવૃત્તિ ટેમ્પરરી હોય છે. ગુજરાત સરકારમાં હાલમાં 30 આસપાસ IAS અધિકારીઓ નિવૃત્તિ બાદ પણ સેવામાં છે. નિવૃત્તિ બાદની નિમણૂકોના નિયમો હેઠળ તેમને જુદા જુદા વિભાગોમાં મુકવામાં આવે છે. કેટલાક અધિકારીઓને વિવિધ આયોગમાં પદ આપવામાં આવે છે.

2007માં નિવૃત્ત થયેલા વરિષ્ઠ IAS અધિકારી સુધીર માંકડ હાલમાં મહત્વાકાંક્ષી પ્રોજેક્ટ ગિફ્ટ સિટીના ચેરમેન છે જ્યારે 2017માં નિવૃત થયેલા અધિકારી તપન રે ગિફ્ટ સિટીના મેનેજિંગ ડાયરેક્ટર અને સી.ઇ.ઓ. તરીકે ફરજ બજાવે છે. 2011માં નિવૃત થયેલા બળવંતસિંહ ગુજરાત પોલીસ કમ્પલેઇન ઓથોરિટીના ચેરમેન છે. 2013માં મુખ્યમંત્રી કાર્યાલયમાંથી જ નિવૃત થયેલા કે. કૈલાસનાથન આજે પણ મુખ્યમંત્રી કાર્યાલયમાં મુખ્ય અગ્ર સચિવ પદે કાર્યરત છે. ગૃહ વિભાગના અધિક મુખ્ય સચિવ પદેથી નિવૃત થયેલા સંગીતા સિંહને નિવૃતિના દિવસે જ તકેદારી આયોગમાં નિમણૂંક મળી ગઇ હતી.

એક નિવૃત્ત અધિકારીના જણાવ્યા પ્રમાણે, આ પ્રથા આજકાલની નથી.
કેન્દ્ર હોય કે અન્ય રાજ્ય સરકારો દ્વારા નિવૃત્ત અધિકારીઓની સેવા લેવાતી હોય છે. IAS કેડર સિવાય પણ અધિકારીઓને નિવૃત્ત થયા બાદ કરાર આધારિત કે અન્ય રીતે રખાતા હોય છે. એ વાત જોકે સાચી છે કે જેમ અધિકારી સરકારની નજીક એમની માટે નિવૃત્તિ બાદની તકો પણ વધી જતી હોય છે.

ગુજરાતમાં IASની કુલ મંજૂર સંખ્યા 313, હાલમાં સંખ્યાબળ 252 અને એમાંથી 20 રાજ્ય બહાર ફરજ પર
200ના IAS સિવિલ લિસ્ટ પ્રમાણે, ગુજરાતમાં કુલ મંજૂર સંખ્યા 313 છે. જેમાંથી સીધી ભરતીથી 218, બઢતીથી IAS બનેલા 95 અધિકારીઓની જોગવાઇ છે. રાજ્યમાં 170 IAS ની સીનિયર પોસ્ટ છે. હાલમાં રાજ્યમાં IAS નું સંખ્યા બળ 252 છે.જેમાંથી સીધી ભરતીથી આવેલા અધિકારીઓ 171 છે. ગુજરાત કેડરના 20 અધિકારીઓ હાલમાં ગુજરાત બહાર ફરજ બજાવી રહ્યા છે જેમાંથી કેટલાક કેન્દ્ર સરકારમાં જ્યારે અમુક દેશ બહાર પણ ફરજ બજાવે છે. રાજ્યના મુખ્ય સચિવનો પે-સ્કેલ રૂ. 2.25 લાખ જ્યારે અધિક મુખ્ય સચિવ કક્ષાએ પણ પે-સ્કેલ રૂ. 2.25 લાખ હોય છે. અગ્ર સચિવ કક્ષાએ પે-સ્કેલ રૂ. 1.82 લાખ -રૂ. 2.24 લાખ હોય છે. 2016ના IAS સિવિલ લિસ્ટ પ્રમાણે, રાજ્યમાં કુલ મંજૂર સંખ્યા 297 હતી.

આ નિવૃત્ત IAS અધિકારીઓ સરકારની સેવામાં! AMCમાં પણ નિવૃત્ત થયેલા બે IAS અધિકારીની નિમણૂક કરવામાં આવી છે

નામહાલમાં કયા હોદ્દા પરનિવૃત્તિ વર્ષ
કે. કૈલાસનાથનમુખ્ય અગ્ર સચિવ, મુખ્યમંત્રી કાર્યાલયમે, 2013
સુધીર માંકડચેરમેન, ગિફ્ટ સિટીઑગસ્ટ, 2007
બળવંતસિંહચેરમેન, પોલીસ કમ્પલેઇન ઓથોરિટીડિસેમ્બર, 2011
તપન રેએમ.ડી., ગિફ્ટ સિટીસપ્ટેમ્બર, 2017
અનિલ મુકીમચેરમેન, જીઇઆરસીઑગસ્ટ, 2020
સંગીતા સિંહઆયુક્ત, તકેદારી આયોગઑક્ટોબર, 2020
અમરજીતસિંહચેરમેન, રીઅલ એસ્ટેટ રેગ્યુલેટરી ઓથોરિટીનવેમ્બર, 2017
રાજગોપાલઅધ્યક્ષ, ગુજરાત મુલ્કી સેવા ટ્રિબ્યુનલજાન્યુઆરી, 2019
હસમુખ અઢીયાચાન્સેલર, સેન્ટ્રલ યુનિવર્સિટી ઓફ ગુજરાતનવેમ્બર, 2018
સંજય પ્રસાદરાજ્ય ચૂંટણી કમિશ્નરસપ્ટેમ્બર, 2019
જી.સી. બ્રહ્મભટ્ટસચિવ, રાજ્ય ચૂંટણી આયોગસપ્ટેમ્બર, 2019
એ.એ. રામાનુજસંયુક્ત કમિશ્નર, ચૂંટણી આયોગઑગસ્ટ, 2020
અમૃત પટેલરાજ્ય મુખ્ય માહિતી કમિશ્નરજુલાઇ, 2019
એસ.કે.પંડ્યાખાતાકીય તપાસના ખાસ અધિકારીફેબ્રુઆરી, 2016
કે.બી.ભટ્ટખાતાકીય તપાસના ખાસ અધિકારીફેબ્રુઆરી, 2015
નામહાલમાં કયા હોદ્દા પરનિવૃત્તિ વર્ષ
પી.એ.શાહખાતાકીય તપાસના ખાસ અધિકારીઑગસ્ટ, 2014
એન.એલ.પૂજારાસચિવ, ગુજરાત મુલ્કી સેવા ટ્રિબ્યુનલજાન્યુઆરી, 2018
પ્રકાશ સોલંકીનિયામક, સમાજ સુરક્ષાજુલાઇ, 2020
પ્રકાશ સોલંકીએમ.ડી., આંબેડકર અંત્યોદય વિકાસ નિગમજુલાઇ, 2020
પ્રકાશ સોલંકીએમ.ડી., અનુસૂચિત જાતિ વિકાસ કોર્પોરેશનજુલાઇ, 2020
નલીન ઠાકરએમ.ડી., બિન અનામત શૈક્ષણિક-આર્થિક વિકાસ નિગમજુલાઇ, 2019
વી.એ.વાઘેલાએમ.ડી., બિન અનામત વર્ગોનું આયોગજૂન, 2019
પી.બી.ઠાકરસચિવ, બાળ અધિકાર સંરક્ષણ આયોગમાર્ચ, 2017
બી.સી.પટણીસીઇઓ, મ્યુનિસિપલ ફાઇનાન્સ બોર્ડજૂન, 2017
આર.આર.રાવલસચિવ, યાત્રાધામ વિકાસ બોર્ડજૂન, 2021
એચ.આર.સુથારકન્સલટન્ટ, મહાત્મા ગાંધી શ્રમ સંસ્થાનફેબ્ર્ુઆરી, 2018
આઇ.કે.પટેલઅમદાવાદ મ્યુનિ. કોર્પોરેશનજૂન, 2021
સી.આર.ખરસાણઅમદાવાદ મ્યુનિ.કોર્પોરેશનજૂન, 2020
એ.એમ.માંકડસચિવ-ઓ.ઓસ.ડી., મહેસૂલ વિભાગ(વિવાદ)ઑક્ટોબર, 2016

(સ્રોત - રાજ્ય સરકારના વિવિધ વિભાગોની વેબસાઇટ્સ, આર.ટી.આઇ. પ્રી-ડીસ્ક્લોઝર અને સામાન્ય વહિવટ વિભાગની ટેલિફોન સૂચિકા- 2022)

અન્ય સમાચારો પણ છે...