આયોજન:આજથી ત્રણ દિવસ ફ્રીમાં યોગ શિબિર યોજાશે

હેલ્ધી રહેવા માટે હાર્ટફુલનેસ સંસ્થા દ્વારા તારીખ 31મી ડિસેમ્બરથી 2 જાન્યુઆરી દરમિયાન યોગના માસ્ટર ક્લાસ સાંજે 6 કલાકે બોડકદેવ ખાતેના સેન્ટરમાં યોજવામાં આવશે. જેના માટે હાર્ટફૂલનેસની વેબસાઈટ પર રજિસ્ટ્રેશન કરાવવાનું રહેશે. આ યોગના ક્લાસિસ ફ્રીમાં કરાવવામાં આવશે. ત્રણ દિવસના માસ્ટરક્લાસમાં યોગ ઉપરાંત ધ્યાન કરવા માટેની પ્રાથમિક માહિતી આપવામાં આવશે આ સાથે બીજા દિવસે શુદ્ધિકરણની પ્રક્રિયા દ્વારા આપણાં મન, ચેતના તથા સૂક્ષ્મ સ્તરોને શુદ્ધ કરી અને ધ્યાન કરાવવામાં આવશે. ત્રીજા દિવસે આપણાં અંત:કરણ સાથે જોડાણ દ્વારા ધ્યાન કરાવવામાં આવશે. આ યોગ અને ધ્યાન શિબિરનો સમય સાંજે 6 કલાકનો રાખવામાં આવ્યો છે.