તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મોન્સૂન ઑડિટ રિપોર્ટ:રાજ્યમાં અછતનાં એંધાણ, અત્યારસુધી થવો જોઈતો હતો 19 ઇંચ વરસાદ; આ વખતે માત્ર 10 જ ઇંચ, 46%ની ઘટ

અમદાવાદ2 મહિનો પહેલા
  • કૉપી લિંક
દાહોદ શહેરનું વરસાદી વાદળો વિનાનું કોરુંધાકોર આકાશ. - Divya Bhaskar
દાહોદ શહેરનું વરસાદી વાદળો વિનાનું કોરુંધાકોર આકાશ.
  • ગત વર્ષના આ સમયની સરખામણીએ રાજ્યમાં 22% ઓછો વરસાદ
  • 15 જિલ્લામાં વરસાદની 50%થી પણ વધુની ઘટ
  • 25 તાલુકામાં 5 ઇંચથી પણ ઓછો વરસાદ
  • 95 જળાશયમાં 25%થી પણ ઓછો જળસંગ્રહ
  • સરદાર સરોવર નર્મદા ડેમ 46%થી વધારે ભરેલો

ગુજરાતમાં અત્યારસુધી 36.39% વરસાદ થયો છે. ગત વર્ષે 11 ઓગસ્ટ સુધી રાજ્યમાં 58% વરસાદ થયો હતો. ગત વર્ષની સરખામણીએ 22% ઓછો વરસાદ છે. અત્યારસુધી રાજ્યમાં 19 ઇંચ વરસાદ થવો જોઈતો હતો, જેને બદલે માત્ર 10 ઇંચ થયો છે, જે 46 ટકાની ઘટ દર્શાવે છે. રાજ્યમાં તમામ 33 જિલ્લામાં સરેરાશથી ઓછો વરસાદ છે. 15 જિલ્લામાં 50%થી પણ વધારે વરસાદની ઘટ છે. રાજ્યના બે તાલુકા લાખણી અને થરાદમાં બે ઇંચથી પણ ઓછો વરસાદ છે.

રાજ્યના 25 તાલુકામાં 5 ઇંચથી ઓછો વરસાદ છે. માત્ર 4 તાલુકામાં 40 ઇંચથી વધારે વરસાદ છે, જેમાં નવસારીમાં ખેરગામ, વલસાડમાં ધરમપુર, કપરાડા અને વાપી તાલુકાઓ છે. ગાંધીનગરમાં 64%, અરવલ્લીમાં 63%, સુરેન્દ્રનગરમાં 59%, તાપીમાં સરેરાશથી 56%, દાહોદ અને ગીર-સોમનાથ જિલ્લામાં 55% વરસાદની ઘટ છે. ગુજરાતના 207 જળાશયમાંથી માત્ર 5 જળાશય 100 ટકા ભરેલાં છે. હાલમાં કુલ જળસંગ્રહ 47.54% છે. સરદાર સરોવર ડેમમાં 46.60% છે.

ઉત્તર ગુજરાતમાં 24.38%, મધ્યમાં 43.74%, દક્ષિણમાં 57.82%, કચ્છમાં 22.69%, સૌરાષ્ટ્રમાં 40.52% પાણીનો સંગ્રહ છે. માત્ર 25 ડેમોમાં જ 70%થી વધુ પાણી છે. 95 જળાશયમાં 25%થી પણ ઓછું પાણી છે.

ઉ.ગુજરાતમાં હજુ માત્ર 31% વરસાદ, જળાશયોમાં 24% પાણી

ઝોનવરસાદડેમોમાં જળસંગ્રહ (%)
સ્થિતિસરેરાશહાલમાંટકાડેમપૂર્ણ ભરેલાજળસંગ્રહ
ઉત્તર717 મીમી226 મિમી31%15024.38%
મધ્ય806 મીમી280 મિમી35%17043.74%
દક્ષિણ1462 મીમી588 મિમી40%13157.82%
કચ્છ442 મીમી140 મિમી32%20022.69%
સૌરાષ્ટ્ર701 મીમી237 મિમી34%14440.52%
કુલ840 મીમી306 મિમી37%207547.54%

આ તાલુકામાં વરસાદની ઘટ, લાખણીમાં સૌથી ઓછો

જિલ્લોતાલુકોસરેરાશહાલમાંટકા
બનાસકાંઠાલાખણી607 મિમી46 મિમી7.57%
બનાસકાંઠાથરાદ440 મિમી47 મિમી10.67%
કચ્છલખપત357 મિમી53 મિમી14.86%
બનાસકાંઠાવાવ512 મિમી63 મિમી12.30%
પાટણસાંતલપુર443 મિમી63 મિમી14.24%
કચ્છઅબડાસા402 મિમી76 મિમી18.89%
કચ્છરાપર490 મિમી86 મિમી17.55%

આ અઠવાડિયામાં સારા વરસાદની શક્યતા નથી
આગામી 7 દિવસ સુધી રાજ્યમાં સારો વરસાદ થાય એવાં કોઇ એંધાણ નથી. હવામાન ખાતાની આગાહી મુજબ, આવતા 7 દિવસમાં રાજ્યમાં અમુક જગ્યાએ સામાન્ય છૂટોછવાયો વરસાદ થઇ શકે છે. સારો વરસાદ થાય એવી હાલ કોઈ શક્યતા નથી.