કોરોનાવાઈરસ:સિવિલમાં દિવાળીની રાતે જ કોરોનાના 91 દર્દી દાખલ, સોલા સિવિલમાં વેન્ટિલેટર ભરાઈ ગયાં

કોરોનાના સંક્રમણમાં વધારો થતાં અમદાવાદ સહિત રાજ્યની વિવિધ હોસ્પિટલોમાં કોરોનાના કેસમાં વધારો નોંધાયો છે. ત્યારે સિવિલ હોસ્પિટલમાં દિવાળીને દિવસે એક જ રાતમાં ઇમરજન્સીમાં 91 દર્દી દાખલ કરાયા છે.જ્યારે સોલા સિવિલમાં તમામ વેન્ટિલેટર ભરાઇ ગયા છે.

સિવિલના એડિશનલ સુપરિન્ટેન્ડેન્ટ ડો. રાકેશ જોષી જણાવે છે કે, દિવાળીની રાત્રે 91 દર્દી ઇમરજન્સીમાં લવાયા છે. જેને કારણે 1200 બેડ હોસ્પિટલમાં વધુ 3 વોર્ડ ખોલવાની ફરજ પડી છે. આ સ્થિતિ રહેશે તો આગામી બે દિવસમાં હોસ્પિટલના આઇસીયુ વોર્ડ ફૂલ થઇ જશે.