શિક્ષણ:GTUની મોક ટેસ્ટ માટે 68 હજારે રજિસ્ટ્રેશન કરાવ્યું

જીટીયુની ડિગ્રી ઈજનેરી અને ડિગ્રી ફાર્મસીની ઓનલાઈન મોક ટેસ્ટ માટે 68,000 વિદ્યાર્થીએ સોમવારે સાંજે પાંચ વાગ્યા સુધી રજિસ્ટ્રેશન કરાવ્યું છે. ડિગ્રી ઈજનેરી માટે મંગળવારે મોડી રાત સુધી રજિસ્ટ્રેશન કાર્યવાહી જારી રહેશે. જીટીયુએ ટેક્નોલોજીનો ઉપયોગ કરીને લૉકડાઉનના સમયમાં ઓનલાઈન મોક ટેસ્ટનું આયોજન કર્યું છે.. અમદાવાદ, વડોદરા, રાજકોટ, સુરત સહિતના શહેરોમાંથી  આશરે એક લાખ વિદ્યાર્થી આ ટેસ્ટ આપે તેવી શક્યતા છે. વિદ્યાર્થીઓ આ ઓનલાઈન મોક ટેસ્ટ મોબાઈલ, લેપટોપ કે અન્ય ડિજિટલ ઉપકરણોનો ઉપયોગ કરીને આપી શકશે.