નોકરીની જાહેરાત:IBPSમાં 6432 વેકેન્સી, 6 બેન્કમાં PO, ટ્રેઇની આસિસ્ટન્ટ બનવા તક; અરજી માટેની અંતિમ તારીખ 22 ઓગસ્ટ

ઇન્સ્ટિટ્યૂટ ઓફ બેન્કિંગ પર્સોનલ (આઈબીપીએસ)એ 6 સરકારી બેન્કમાં પ્રોબેશનરી ઓફિસર (પીઓ), મેનેજમેન્ટ ટ્રેઇનીની કુલ 6432 જગ્યા માટે ઓનલાઇન અરજીઓ મગાવી છે. લાયકાત ધરાવતા ઉમેદવારો 22 ઓગસ્ટ સુધીમાં ઓફિશિયલ વેબસાઇટ ibps.in પરથી ઓનલાઇન અરજી કરી શકશે.

વર્ષ 2022-23 માટેની આઈબીપીએસ પીઓ એક્ઝામ માટે રજિસ્ટ્રેશન કાર્યવાહી શરૂ થઈ ચૂકી છે. આઈબીપીએસ પીઓની ભરતી માટે અરજી કરનારા ઉમેદવારો પાસે કોઈ પણ માન્યતા પ્રાપ્ત યુનિવર્સિટીમાંથી ગ્રેજ્યુએશન કર્યું હોવું જોઈએ. આ જગ્યાઓ માટે ઉમેદવારોની વય મર્યાદા 20થી 30 વર્ષ વચ્ચે રાખવામાં આવી છે. જોકે અનામત વર્ગના ઉમેદવારોને નિયમ અનુસાર વય મર્યાદામાં છૂટછાટ આપવામાં આવશે. જનરલ, ઓબીસી, ઇડબ્લ્યુએસમાં આવતા ઉમેદવારોએ અરજી કરતી વખતે રૂ.850 ફી ભરવાની રહેશે. જ્યારે એસસી, એસટી, પીડબ્લ્યુડી ઉમેદવારો માટે એપ્લિકેશન ફી રૂ. 175 રાખવામાં આવી છે.

પસંદગી પામનારા ઉમેદવારોની પસંદગી ત્રણ તબક્કામાં કરવામાં આવશે. પહેલા તબક્કામાં પ્રીલિમ એક્ઝામ, બીજા તબક્કામાં મેઇન્સ અને ત્યાર બાદ ઇન્ટરવ્યૂ લેવામાં આવશે. આ ભરતીમાં પસંદગી પામનારા ઉમેદવારને પ્રતિમાસ રૂ. 14,500થી રૂ. 25,700 સુધીની સેલરી મળશે.

ક્યાં કેટલી જગ્યા?

મહત્ત્વની તારીખો