તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સરવે:54 ટકા નાગરિકોએ માસિક આવકના માત્ર 4.35 ટકા વૃદ્ધાશ્રમમાં આપવાની તૈયારી દર્શાવી

અમદાવાદએક મહિનો પહેલાલેખક: પ્રતીક ભટ્ટ
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • સિનિયર સિટીઝનોની સુખાકારી માટે એક સંસ્થાએ 500 નાગરિકો પર સરવે કર્યો

શહેરના સિનિયર સિટીઝનોની સુખાકારી, સ્વાસ્થ્ય અંગે આશરે 500 નાગરિકોના અભિપ્રાય આધારિત સર્વેક્ષણમાં કુલ 54 ટકા લોકોએ કોરોનાકાળમાં માસિક આવકના માત્ર 4.35 ટકા રકમ સિનિયર સિટીઝનો માટે વાપરવા માટેની તૈયારી દર્શાવી હતી. જ્યારે 27 ટકા લોકો એવા હતા કે જેમણે કુલ માસિક આવકના 10 ટકા રકમ સિનિયર સિટીઝન માટે વાપવાની તૈયારી દર્શાવી હતી. આશરે 70 ટકા લોકો એવા હતા કે જેમણે સ્વીકાર્યંુ કે તેઓ સિનિયર સિટીઝનોની વિવિધ યોજનાઓ, સ્કીમથી અજાણ છે.

સિનિયર સિટીઝનોના ઉત્કર્ષ માટે કાર્યરત ‘વયોત્સવ ફાઉન્ડેશન’ સંસ્થાએ 18 વર્ષથી 80 વર્ષની વયજૂથના આશરે 500 નોકરિયાત અને વ્યવસાય સાથે સંકળાયેલાને સિનિયર સિટીઝનોની સુખાકારી, સ્વાસ્થ્ય, જરૂરિયાતો અંગે શું વિચારે છે ? આ બાબતે જુલાઈમાં ઓનલાઈન સરવે હાથ ધર્યો હતો. જેમાં પરિવાર સાથે વસતા તેમજ વૃદ્ધાશ્રમમાં રહેતા સિનિયર સિટીઝનો અંગે નાગરિકો શું અભિપ્રાય ધરાવે છે? તે બાબતને કેન્દ્રમાં રાખીને આશરે 9થી 10 પ્રશ્નો પૂછ્યા હતા.

આ સર્વેક્ષણ કરનાર વયોત્સવ ફાઉન્ડેશનના ટ્રસ્ટી ડો. જતિન પાડલિયા અને ખૂશ્બુ કંકોડીયાએ જણાવ્યું કે, 18થી 70 વર્ષની વયજૂથના 500 નાગરિકોને સિનિયર સિટીઝન અંગેના પ્રશ્નો પૂછ્યા. જેમાં વૃદ્ધાવસ્થામાં નાગરિકો કેવી રીતે આનંદથી સમય અને જીવન પસાર કરી શકે તે અંગેના વિવિધ પ્રશ્નો અને અભિપ્રાય માગવામાં આવ્યા હતા.

આ પ્રશ્નો પૂછાયા

  • વૃદ્ધાશ્રમમાં વડીલોને કઈ સેવા પ્રદાન કરવી?
  • વૃદ્ધાશ્રમ માટે માસિક કેટલા ટકા બજેટ ચૂકવવું જોઈએ?
  • વૃદ્ધાશ્રમમાં વડીલો માટે એક દિવસમાં કેટલી વખત ભોજન આપી શકો?
  • સામાજિક પ્રવૃત્તિઓમાં સહભાગી થવા સંસ્થાને ડોનેશન આપવાની તૈયારી?
  • વરિષ્ઠ નાગરિકો સાથે તમને કેવા પ્રકારની પ્રવૃત્તિઓમાં આનંદ આવે છે?

52 ટકા લોકોએ વડીલો સાથે રહેવા સંમતિ દર્શાવી

  • સિનિયર સિટીઝનો સાથેની સામાજિક પ્રવૃત્તિમાં કામ કરવા માટે, ભાગ લેવા માટે આશરે 84 ટકા લોકોએ તૈયારી દર્શાવી.
  • કુલ 500 લોકોમાંથી આશરે 42 ટકા લોકોએ વડીલોની સાથે રહેવા માટેની સંમતિ દર્શાવી.
  • 32 ટકા ‌‌લોકોએ એવો અભિપ્રાય આપ્યો કે સિનિયર સિટીઝનો પ્રવૃત્તિમય રહેશે તો અનેક સમસ્યાઓમાંથી મુક્ત રહી શકશે.
  • 40 ટકા લોકોએ સામાજિક સંસ્થાની સાથે રહીને અથવા વોલિયેન્ટર બનીને વરિષ્ઠ નાગરિકોને મદદરૂપ થવા માટેની તૈયારી દર્શાવી.
અન્ય સમાચારો પણ છે...