ક્રાઈમ:10 રૂપિયા નહીં આપનારા 2 કિશોરની 3 મિત્રે ધોલાઈ કરી

ઘાટલોડિયામાં બીડી પીવા માટે 2 કિશોરોએ 10 રૂપિયા આપવાની ના પાડી દેતા 3 મિત્રોએ ભેગા મળી કમરપટ્ટા અને લાકડીઓ વડે બંનેની ધોલાઇ કરી હતી. પોલીસ ફરિયાદ મુજબ ઘાટલોડિયા ચાણકયપુરી સેક્ટર - 2 માં રહેતાં શીતલબહેન ઓમપ્રકાશ મોચી મંગળવારે ઘરે હાજર હતાં ત્યારે તેમના દીકરા આકાશનો મિત્ર વિશાલ ઉર્ફે છોડીમલ તેને લેવા ઘરે આવ્યો હતો. જેથી શીતલબહેને તેને પૂછ્યું હતું કે ‘તું આકાશને ક્યાં લઇ જાય છે,’ ત્યારે વિશાલે કહ્યું હતુ કે,‘અહીંયા બહાર જ લઇ જાવુ છું.’ થોડી વારમાં આકાશ પાછો આવી જશે. તેમ કહીને તે આકાશને લઇ ગયો હતો.આકાશ ઘરે આવીને રડવા લાગ્યો હતો, જેથી શીતલબહેને તેને પૂછતા તેણે કહ્યું હતંુ કે, વિશાલ તેને અને હર્ષદને ચાણકયપુરી ચેહરનગરની સામે આંગણવાડીની બાજુમાં લઇ ગયો હતો. જ્યાં વિશાલ, અજય અને મહેન્દ્રએ આકાશ પાસે બીડી પીવા માટે 10 રૂપિયા માંગ્યા હતા, જેથી આકાશે તેને કહ્યું હતું કે,મારી પાસે પૈસા નથી. તેમ કહેતા વિશાલ, અજય અને મહેન્દ્રએ આકાશ સાથે ઝઘડો કર્યો હતો. તે ત્રણેયે ભેગા મળી લાકડીઓ વડે આકાશ અને હર્ષદને માર માર્યો હતો.