AMCની કાર્યવાહી:બે કરોડ બાકી પ્રોપર્ટી ટેક્સ બદલ નવરંગપુરા, રાણીપ, થલતેજમાં 22 મિલકત સીલ

સરકારે પ્રોપર્ટી ટેક્સમાં રાહત આપી હોવા છતાં તેનો લાભ લેવાને બદલે લાંબા સમયથી બાકી ટેક્સ નહીં ભરતી 22 મિલકતોને મ્યુનિ.એ સીલ કરી છે. જેમાં નવરંગપુરા, થલતેજ, ઘાટલોડિયા, રાણીપની મિલકતોનો સમાવેશ થાય છે. આ મિલકતો પાસેથી બે કરોડથી વધુનો પ્રોપર્ટી ટેક્સ બાકી છે.

થલતેજના સુવિધાનગર, ડ્રાઇવ-ઇન શોપિંગ, સદભાવ કોમ્પ્લેક્સ, શિવાલિક કોમ્પ્લેક્ષની 8 અને ઘાટલોડિયાની 5 મિલકતો મળી ઉત્તર-પશ્ચિમ ઝોનની 13 મિલકતોને, નવરંગપુરામાં કમલ કોમ્પ્લેક્ષ, આકૃતિ કોમ્પ્લેક્ષ, બી.કે.હાઉસ, પાર્થ કોમ્પ્લેક્ષ તથા રાણીપમાં 3 મિલકતો મળી કુલ 9 મિલકતોને મ્યુનિ.એ સીલ કરી છે.

લલિતા મહલ સિનેમાનો 34 લાખ ટેક્સ બાકી