તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Ahmedabad
  • 20 Out Of 33 Districts Of Gujarat Are Educationally Backward, All The Districts In The North Are Lagging Behind In Education, Even Worse Than UP!

શિક્ષણના લેખા-જોખાં:ગુજરાતના 33માંથી 20 જિલ્લા શૈક્ષણિક રીતે પછાત, ઉત્તરના તમામ જિલ્લા શિક્ષણમાં પાછળ, UP કરતાં પણ ખરાબ સ્થિતિ!

અમદાવાદએક મહિનો પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • દેશમાં 374 જિલ્લા શૈક્ષણિક પછાત; લોકસભામાં સરકારે UGC રિપોર્ટના આધારે આપી માહિતી
  • ગુજરાત કુલ જિલ્લા સામે ટકાવારીમાં દેશમાં છઠ્ઠા ક્રમે, સૌરાષ્ટ્ર ઝોનના 7 જિલ્લા શૈક્ષણિક પછાતની યાદીમાં

વિકસિત રાજ્ય ગણાતા ગુજરાતના 33 જિલ્લાઓમાંથી 20 જિલ્લાઓ એટલે કે 61 ટકા જિલ્લાઓ શૈક્ષણિક રીતે પછાત છે. ઉત્તર ગુજરાતના તમામ ચાર જિલ્લાઓ શૈક્ષણિક રીતે પછાત છે. મધ્ય ગુજરાતમાં 3 જિલ્લાઓ જ્યારે દક્ષિણમાં 5 જિલ્લાઓ શૈક્ષણિક પછાત છે. રાજ્યમાં કુલ જિલ્લાઓમાં પછાત જિલ્લાઓની ટકાવારી મુજબ, રાજસ્થાનમાં 91 ટકા જિલ્લા શૈક્ષણિક પછાત છે. મધ્યપ્રદેશમાં 75 ટકા, તમિલનાડુમાં 71 ટકા, બિહારમાં 66 ટકા છે. ઉત્તરપ્રદેશમાં 56 ટકા છે. ગુજરાતની સ્થિતિ દેશમાં ટકાવારીમાં છઠ્ઠા ક્રમે છે. જોકે, ગુજરાતની સ્થિતિ ઉત્તરપ્રદેશ કરતાં ખરાબ છે.

આ માહિતી લોકસભામાં શિક્ષણ મંત્રી ધર્મેન્દ્ર પ્રધાન દ્વારા આપવામાં આવી હતી. તેમના જણાવ્યા મુજબ, યુનિવર્સિટી ગ્રાન્ટ કમિશનની એક્સપર્ટ કમિટી દ્વારા દેશમાં કુલ 374 જિલ્લાઓને શૈક્ષણિક રીતે પછાત જિલ્લા તરીકે નક્કી કરવામાં આવ્યા હતા. કમિટીએ ગ્રોસ એનરોલમેન્ટ રેશિયો, કોલેજ-પોપ્યુલેશન રેશિયો, પ્રતિ કોલેજ સરેરાશ એનરોલમેન્ટ વગેરે જેવા પેરામીટરને આધારે આ જિલ્લાઓની ઓળખ કરવામાં આવી હતી.

રાજ્યમાં ઝોનવાઇઝ શૈક્ષણિક રીતે પછાત જિલ્લા
ઉત્તર ઝોનઃ બનાસકાંઠા, મહેસાણા, સાબરકાંઠા, પાટણ
કચ્છ ઝોનઃ કચ્છ
સૌરાષ્ટ્ર ઝોનઃ અમરેલી, ભાવનગર, જામનગર, જૂનાગઢ, પોરબંદર, રાજકોટ, સુરેન્દ્રનગર
મધ્ય ઝોનઃ દાહોદ, ખેડા, પંચમહાલ,
દક્ષિણ ઝોનઃ ભરૂચ, સુરત, ડાંગ, વલસાડ, નર્મદા

રાજસ્થાનમાં સૌથી વધુ જિલ્લા શૈક્ષણિક પછાત

રાજ્યકુલ જિલ્લાશૈક્ષણિક પછાતટકા
રાજસ્થાન333091
મધ્યપ્રદેશ523975
તમિલનાડુ382771
બિહાર382566
કર્ણાટક312064
ગુજરાત332061
ઉત્તરપ્રદેશ754156
અન્ય સમાચારો પણ છે...