પાસા:ટ્રેનમાં દારૂની હેરફેર કરતા 2ને પાસા હેઠળ જેલમાં ધકેલાયા

અમદાવાદ અને મહેસાણા વચ્ચે ટ્રેનમાં દારૂની હેરાફેરી કરતા પ્રોહિબિશનના ગુનામાં સંડોવાયેલા બે આરોપીઓને પાસા હેઠળ અલગ અલગ જેલમાં મોકલી આપવામાં આવ્યા છે.

જીઆરપી એલસીબી પીઆઈ આર. એમ. દવેએ જણાવ્યું કે, મધ્યપ્રદેશનો રહેવાસી બિપીન બિરેન્દ્ર શર્મા, હરિયાણાનો રહેવાસી ધર્મેન્દ્ર પ્રકાશ યાદવ અલગ અલગ ટ્રેનોમાં દારૂની હેરાફેરી કરતા હોવાનું ધ્યાને આવ્યું હતું, જેના પગલે બંનેની ધરપકડ કરી તેમની સામે પાસા હેઠળ કાર્યવાહી કરવાની ભલામણ કરવામાં આવી હતી. તેના આધારે પોલીસ કમિશનરે મંજૂરી આપતા એક આરોપીને રાજકોટની અને બીજા આરોપીને સુરતની લાજપોર જેલમાં મોકલી આપવામાં આવ્યા છે.