મેઘરાજાનો મહેર:ગુજરાતમાં છેલ્લા 24 કલાકમાં 180 તાલુકામાં વરસાદ, સૌથી વધુ ભાવનગરના ઘોઘામાં 3.5 ઈંચ વરસાદ

અમદાવાદ3 મહિનો પહેલા
  • કૉપી લિંક
વડોદરા શહેર જિલ્લામાં વરસાદથી ઠેર-ઠેર પાણી ભરાઈ ગયા હતા. - Divya Bhaskar
વડોદરા શહેર જિલ્લામાં વરસાદથી ઠેર-ઠેર પાણી ભરાઈ ગયા હતા.
  • ગુજરાતના 12 તાલુકામાં બે ઈંચથી વધુ વરસાદ પડ્યો

હવામાન વિભાગ દ્વારા સમગ્ર ગુજરાતમાં ચાર દિવસ વરસાદની હળવાથી ભારે વરસાદની આગાહી કરવામાં આવી છે. દરમિયાન છેલ્લા 24 કલાકમાં ગુજરાતના 180 તાલુકામાં હળવાથી ભારે વરસાદ નોંધાયો છે. જેમાં સૌથી વધુ વરસાદ ભાવનગરના ઘોઘામાં 3.5 ઈંચ વરસાદ ખાબક્યો છે. આ સાથે ગોધરા અને ધરમપુરમાં 3 ઈંચ જેટલા વરસાદ પડ્યો છે.

રાજ્યમાં અત્યારસુધી સીઝનનો 61 ટકા જેટલો વરસાદ પડ્યો
રાજ્યમાં ચોમાસાએ ઓગસ્ટ મહિનામાં રાહ જોવડાવ્યા બાદ સપ્ટેમ્બરમાં મેઘરાજા મહેરબાન થયા છે. સપ્ટેમ્બર મહિનાની શરૂઆતથી રાજ્યમાં વરસાદી માહોલ જામ્યો છે. રાજ્યમાં અત્યારસુધી સીઝનનો 61 ટકા જેટલો વરસાદ પડી ચૂક્યો છે. રાજ્યમાં હજુ 4 દિવસ સુધી મધ્યમથી ભારે વરસાદ પડવાની હવામાન વિભાગે આગાહી કરી છે.

ગુજરાતના મોટાભાગના તાલુકામાં મેઘરાજાની મહેર થઈ.
ગુજરાતના મોટાભાગના તાલુકામાં મેઘરાજાની મહેર થઈ.

ગુજરાતમાં 2 સિસ્ટમ સક્રિય થતાં ભારે વરસાદની શક્યતા
હવામાન વિભાગના જણાવ્યા મુજબ, હાલમાં રાજસ્થાન અને એને અડીને આવેલા વિસ્તારોમાં લોપ્રેશર સિસ્ટમ તેમજ રાજ્યને અડીને આવેલા અરબી સમુદ્રના દક્ષિણ પશ્ચિમ કાંઠા વિસ્તારોમાં સાઇક્લોનિક સર્ક્યુલેશન સિસ્ટમ સક્રિય થઈ છે. આ બંને સિસ્ટમને પગલે ઉત્તર ગુજરાત ઉપરાંત મધ્ય-દક્ષિણ ગુજરાત તેમજ સૌરાષ્ટ્રના કેટલાક જિલ્લામાં ભારે વરસાદની શક્યતા છે.

અમીરગઢ નજીક પસાર થતી બનાસનદીમાં નવા નીર આવતાં ખેડૂતોમાં ખુશી જોવા મળી.
અમીરગઢ નજીક પસાર થતી બનાસનદીમાં નવા નીર આવતાં ખેડૂતોમાં ખુશી જોવા મળી.

ગુજરાતમાં કયા કેટલો વરસાદ પડ્યો?

તાલુકોવરસાદ (મિમિ)
ઘોઘા89
ગોધરા83
ધરમપુર76
સંતરામપુર74
હાલોલ73
પાદરા71
ધનસુરા66
કપરાડા65
ખંભાત58
ગણદેવી53
ડેસર52
શહેરા51