શુભચિંતક:18 વર્ષીય કિશોર CMની તબિયત જોવા હોસ્પિટલ પહોંચી ગયો, સુરક્ષાને ધ્યાને રાખી પોલીસે કિશોરને અટકાવ્યો

મુખ્યમંત્રી વિજય રૂપાણીને યુ. એન. મહેતામાં દાખલ કર્યાના સમાચારથી 18 વર્ષીય કિશોર મળવા હોસ્પિટલ પહોંચ્યો હતો. જો કે, મુખ્યમંત્રીની સુરક્ષાને ધ્યાનમાં રાખીને તેને મળવા જવા દેવાયો ન હતો.

શાહીબાગમાં ગોપાલજીની ચાલીમાં રહેતો 18 વર્ષીય કિશોર વિવેક દાસ જણાવે છે કે, અમને ઇડબલ્યુએસ સ્કીમ અંતર્ગત ઘર મળી રહે તે માટે હું મુખ્યમંત્રી વિજયભાઈ રૂપાણીને મળવા ગયો હતો, ત્યારે મુખ્યમંત્રીએ મને ઘર મળે તે માટે ભલામણ પત્ર લખી આપ્યો હતો. જેથી મને ઘર મળ્યું છે, મુખ્યમંત્રીને યુ.એન. મહેતા હોસ્પિટલમાં દાખલ કરાયાના સમાચાર જાણીને સોમવારે હું તેમને સવારે 11.00 વાગ્યે યુ.એન. મહેતા હોસ્પિટલ મળવા ગયો હતો. પરંતુ, હોસ્પિટલમાં તૈનાત પોલીસ અને સિક્યુરિટી સ્ટાફે મુખ્યમંત્રીની સુરક્ષાને ધ્યાનમાં રાખીને મને જતો અટકાવ્યો હતો. જેથી હુું થોડીવાર ત્યાં રોકાઇને નીકળી ગયો હતો.

મહત્ત્વની વાત એ છે કે, મનસુખભાઇ માંડવિયાએ મારા ભાઈનું સ્કુલમાં એડમિશન કરાવ્યું છે. તેમજ એક વર્ષ પહેલાં મારું સારણગાંઠનું ઓપરેશન પણ સિવિલ હોસ્પિટલમાં થયું હતું.