NFHS-5નો રિપોર્ટ:ગુજરાતમાં 18% ઘરોમાં એસી-કૂલર, 5 વર્ષમાં 7% વધારો જ્યારે ગામડાંનાં 9% ઘરોમાં પંખા પણ નહીં

અમદાવાદ8 દિવસ પહેલાલેખક: મૃણાલ  ભોજક
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • કાશ્મીર, ઉત્તરાખંડમાં પણ એસી-કૂલરની સંખ્યા વધારે
  • એસી-કૂલર વસાવવામાં ગુજરાત 14મા ક્રમે, સૌથી વધુ દિલ્હી અને પંજાબમાં 70%થી વધુ ઘરોમાં સુવિધા: NFHS-5

ગરમીનો પારો અગાઉના તમામ રેકોર્ડ તોડી રહ્યો છે જેની સામે ટાઢક મેળવવાના ઉપાય તરીકે એસી કે કૂલર વસાવવામાં ગુજરાતીઓ અન્ય રાજ્યો કરતાં ઘણા પાછળ છે. રાજ્યમાં માત્ર 17.5 ટકા ઘરો એવા છે જ્યાં એસી કે કૂલરની સુવિધા છે. શહેરી વિસ્તારના 31.8 ટકા અને ગ્રામ્યમાં 6.8 ટકા ઘરો આ સુવિધા ધરાવે છે. નેશનલ ફેમિલી હેલ્થ સરવે (NFHS-5) 2019-21 મુજબ એસી કે કૂલર વસાવવાના મામલે ગુજરાત દેશમાં 14મા ક્રમે છે. NFHS-4 (2015-16) મુજબ રાજ્યમાં 10.7 ટકા ઘરોમાં આ સુવિધા હતી.

પાંચ વર્ષના ગાળામાં માંડ 7 ટકાનો વધારો નોંધાયો છે. રાજ્યના શહેરો કરતાં ગ્રામ્ય વિસ્તારમાં એસી કે કૂલર ખરીદવાનું પ્રમાણ વધારે નોંધાયું છે. દેશમાં સૌથી વધુ દિલ્હી અને પંજાબમાં 70 ટકાથી વધુ ઘરોમાં એસી કે કૂલરની સુવિધા છે. ગુજરાતના પડોશી રાજ્યો મહારાષ્ટ્રમાં 34.1 ટકા, મધ્ય પ્રદેશમાં 36.7 ટકા અને રાજસ્થાનમાં 53.6 ટકા ઘરો આ સુવિધાથી સજ્જ છે. તેની સામે ગુજરાતમાં હજુ પણ 6 ટકા એવા છે જેમની પાસે ઇલેક્ટ્રિક પંખા પણ નથી. ગ્રામ્ય વિસ્તારના 9 ટકા ઘરોમાં હજુ પણ ઇલેક્ટ્રિક પંખાનો ઉપયોય થતો નથી. નોંધનીય છે કે, છેલ્લા બે નેશનલ ફેમિલી હેલ્થ સરવેમાં જ એસી કે કૂલર ધરાવનારા ધરોનું સરવેક્ષણ હાથ ધરવામાં આવ્યું છે.

રાજ્યના ગ્રામ્ય વિસ્તારમાં એસી/કૂલરો 5 વર્ષમાં બમણા થયા

સરવેવર્ષશહેરીગ્રામ્યકુલ
NFHS 42015-1619.80%3.20%10.70%
NFHS 52019-2131.80%6.80%17.50%

એસી/કૂલર ઘરાવતા ઘરો સૌથી વધુ દિલ્હી અને પંજાબમાં

રેન્કરાજ્યટકાવારીરેન્કરાજ્યટકાવારી
1દિલ્હી74.30%8ગોવા36.60%
2પંજાબ70.20%9મહારાષ્ટ્ર34.10%
3હરિયાણા61.80%10ઉત્તરાખંડ25.70%
4રાજસ્થાન53.60%11ઉત્તર પ્રદેશ25.40%
5છત્તીસગઢ43.00%12જમ્મુ-કાશ્મીર21.50%
6તેલંગાણા42.20%13આંધ્ર પ્રદેશ19.60%
7મધ્ય પ્રદેશ36.70%14ગુજરાત17.50%

રાજ્યમાં 22 વર્ષમાં ઇલેક્ટ્રિક પંખા ધરાવતા ઘરોની સંખ્યા 34 ટકા વધી
1992-93માં હાથ ધરવામાં આવેલા નેશનલ ફેમિલી હેલ્થ સરવેમાં ઇલેક્ટ્રિક પંખાની સુવિધા અંગેની માહિતી એકત્ર નહોતી કરવામાં આવી. 1998-99ના NFHS-2માં તેનો સમાવેશ કરાયો જેમાં શહેરમાં 87.6 ટકા અને ગ્રામ્યમાં 57.1 ટકા મળીને કુલ 70.3 ટકા ઘરોમાં ઇલેક્ટ્રિક પંખાની સુવિધા હતી. જેની સામે NFHS-5માં શહેરમાં 98.5 ટકા, ગ્રામ્યમાં 90.9 ટકા મળીને સરેરાશ 94.2 ટકા ઘરોમાં પંખાની સુવિધા છે. શહેરોની તુલનામાં ગ્રામ્ય વિસ્તારમાં પંખા વસાવવાની સંખ્યામાં વધારો નોંધાયો છે. 22 વર્ષના ગાળામાં ગ્રામ્ય વિસ્તારમાં પંખા ધરાવતા ઘરોની સંખ્યામાં 33.8 ટકાનો વધારો નોંધાયો છે. તાજેતરના સરવે મુજબ શહેર અને ગ્રામ્યમાં અંતર માત્ર 7-8 ટકાનું જ રહ્યું છે.

અન્ય સમાચારો પણ છે...